إمام عاشور يعلق علي مباريات الأهلي الأخيرة ويوجة رسالة للجمهور
وجة لاعب النادي الأهلي إمام عاشور رسالة لجمهور الأهلي وعلق علي مباريات الأهلي الأخيرة حيث كتب عبر صفحته إنستجرام " بعد ما خدنا افريقيا وفي الوقت اللي المفروض نكون بنريح وبنفصل بعد موسم طويل وصعب لقينا نفسنا بنلعب ماتش كل ٣ أيام في ضغط وتعب محدش يستحمله ورغم كده اللعيبة كلها رجالة وبتحقق رقم تاريخي بـ ۱۸ فوز متتالي وهانت خلاص باذن الله ربنا يكلل تعبنا ومجهودنا ده بالبطولة ونحتفل بيها مع الجمهور اللي واقف في ضهرنا والسبب الرئيسي في اننا ندوس على نفسنا ونطلع كل حاجة عشان خاطرهم وعشان النادي .
ونجح النادي الأهلي في الفوز على البنك بهدف دون رد عن طريق وسام أبو علي في المباراة التي جمعت بينهما في الجولة الـ32 على ستاد القاهرة الدولي .
واقترب الأهلي من حسم درع الدوري للموسم الحالي 2023 / 2024، حيث يحتاج 4 نقاط من أجل التتويج باللقب بشكل رسمي، بعدما اعتلى صدارة الدوري برصيد 75 نقطة وبفارق 5 نقط عن بيراميدز الوصيف، ويتبقى للأهلي 5 مباريات بينما يتبقى لبيراميدز 3 مباريات
