حسام حبيب بعد اتهامات شيرين عبدالوهاب:"كلها كذب وهسيب القانون يجبلي حقي” (فيديو)
رد المطرب حسام حبيب على تعليقات رواد مواقع التواصل الاجتماعي بشأن الأحداث الأخيرة بينه وبين طليقته الفنانه شيرين عبدالوهاب.
وقال حسام حبيب: “أنا خجلان جدا من اللي بيحصل ومش عارف أقول إيه للناس طبعا الناس عندها حق تزهق والله ده ما أنا ولا دي شيرين التصرفات دي برئ منها تماما أنا مستغرب اللي بيحصل أكتر منكم ممكن يكون دا حصل عشان خاطر هي بتحاول تتصل بيا بقالها يومين تلاتة وأنا رفضت أرد عليها تماما وقولت المرة دي مش هينفع أسامح زي كل مرة.
وأضاف: "كل اتهامات شيرين ليا كاذبة يحاسب عليها القانون، الورقة اللي شيرين بتقول بيها أنها حولت ليا مبلغ مالي، مكتوب فيها غرض التحويل لزوج، فأول حاجة كدا هو أنا زوجها، ثانيا حتى لو كنت الزوج وهي بتدلعني بالمبلغ دا إزاي تخرج تقول أني عايز أموتها، يا هي بتكدب لما قالت إننا اطلقنا يا هي بتكدب على البنك وقالت أني زوجها وحولتلي".
وأشار: “شيرين عبدالوهاب دمها بقى تقيل والمرة دي بجد هسيب القانون يجبلي حقي” هحبسها ، وهي خرجت النهاردة وقالت الكلام دا لأنها عمال تتصل بيا لحد إمبارح بليل عشان نرجع لبعض، وأنا مبردش عليها، عشان انا رافض نرجع تاني بعد كل اللي حصل أخر مرة لما الأمر وصل للنيابة والحوار كبر، وفي الآخر عشان أنا زهقت عملتلها بلوك”.
شقيق الفنانة شيرين
من ناحية أخرى، وقال شقيق الفنانة شيرين عبد الوهاب عبر صفحته الرسمية على موقع التواصل الاجتماعي “فيسبوك”: “يا شيخة والله ربنا ياخدنا بقي عشان نرتاح من القرف ده كفايه بقي اقسم بالله قرفنا والناس قرفت واشمئزات منكم ”، مضيفًا، “انتو اقذر قصة عرفتها البشرية والله حسبي الله ونعم الوكيل فيكم انتو الاتنين”.
