أحمد السبكي يكشف لـ "مصر تايمز" أسباب تأجيل فيلم الملحد وموعد عرضه في السينما

علق المنتج أحمد السبكي عن سبب تأجيل فيلم الملحد وذلك في ظل الأزمة التي يواجهها الفيلم قبل طرحه في دور العرض السينمائية بمصر، كما كشف أيضا عن موعد عرض الفيلم. 

أحمد السبكي يكشف أسباب تأجيل فيلم الملحد 

قال أحمد السبكي في تصريحات خاصة لـ "مصر تايمز" : "الفيلم اتأجل لظروف فنية مش علشان حد بيتكلم، أنا معايا التراخيص بس أنا أجلت الفيلم علشان الانتهاء من بعض اللمسات الفنية في المونتاج والمكساج الخاص بالفيلم". 

وأضاف عن الآراء التي تقول بأن تأجيل الفيلم بسبب الأزمة والدعاوي القضائية التي يواجهها الفيلم : "مش حقيقي الكلام ده.. وخلي اللي يتكلم يتكلم بقى .. وتأجيل الفيلم ملوش علاقة بالكلام اللي بيتقال ده". 

كما كشف عن الموعد النهائي لعرض الفيلم : "فيلم الملحد هينزل في السينمات كمان أسبوعين إن شاء الله، وإحنا معانا التراخيص ومعانا كل حاجة، مفيش مشاكل يعني".