أحمد السبكي يفاجئ الجمهور باحتمالية عرض فيلم الملحد بالسينمات بموعده الأساسي (خاص)
كشف المنتج أحمد السبكي عن مفاجأة باحتمالية طرح فيلم "الملحد" بدور العرض المصرية وذلك بعد أن أعلن عن قرار تأجيل الفيلم لوجود مشاكل فنية بالفيلم.
أحمد السبكي يكشف عن احتمالية طرح فيلم الملحد بالسينمات بموعده الأساسي
قال أحمد السبكي في تصريحات خاصة لـ "مصر تايمز" : "ممكن جدا فيلم الملحد يتعرض في ميعاده الأساسي في حالة لو اتحلت مشكلة الصوت في الفيلم هيتعرض إن شاء الله يوم الأربعاء".
جدير بالذكر، أن أحمد السبكي قال في تصريحات سابقة لـ "مصر تايمز" : "الفيلم اتأجل لظروف فنية مش علشان حد بيتكلم، أنا معايا التراخيص بس أنا أجلت الفيلم علشان الانتهاء من بعض اللمسات الفنية في المونتاج والمكساج الخاص بالفيلم".
وأضاف عن الآراء التي تقول بأن تأجيل الفيلم بسبب الأزمة والدعاوي القضائية التي يواجهها الفيلم : "مش حقيقي الكلام ده.. وخلي اللي يتكلم يتكلم بقى .. وتأجيل الفيلم ملوش علاقة بالكلام اللي بيتقال ده".
كما كشف عن الموعد النهائي لعرض الفيلم : "فيلم الملحد هينزل في السينمات كمان أسبوعين إن شاء الله، وإحنا معانا التراخيص ومعانا كل حاجة، مفيش مشاكل يعني".
