"الحمد لله مستعد للإختبار ومتحمس".. رسالة مؤثرة من كريم فؤاد بعد إصابته بالرباط الصليبي

الأحد 11/أغسطس/2024 - 05:28 م

أكد الدكتور أحمد جاب الله طبيب الفريق الأول لكرة القدم بالنادي الأهلي، إن الأشعة والفحوصات التي خضع لها كريم فؤاد لاعب الفريق، ‏أثبتت إصابته بقطع في الرباط الصليبي الأمامي.‏

إصابة كريم فؤاد

نشر كريم فؤاد لاعب النادي الأهلي رسالة عقب التأكد بإصابته بالرباط الصليبي، خلال مشاركة أمام سماحه بالجولة الماضية.

قال كريم فؤاد، عبر حسابه الرسمي على موقع التواصل الاجتماعي "فيس بوك":"كل خسارة دُونَ الجنة ، فهي دُون ..اللهم لك الحمد كما ينبغي لجلال وجهك وعظيم سلطانك".

وأكمل: "الدنيا دار إبتلاء وشقاء ودايماً الإبتلاء بيجي للشخص في الحاجة اللي هو بيحبها ونِفسه فيها وطموحه وسعادته فيها، ودا بيكون اختبار ليك هتعمل ايه في الموقف دا، وإن الاختبار والبلاء دا بيكون ليه أجر كبير ورفع درجات في الجنة وتكفير ذنوب وحاجات كتير عظيمه أوي مقابل أني أصبر على الإبتلاء دا".

وأضاف: "أنا كان مكتوبلي إصابة في الرباط الصليبي للمره التانيه، بس عندي إحساس تاني خالص مع الاختبار دا، أنه أنا في نعمة كبيرة أوي وأن الحمد لله ربنا رزقني باختبار سهل وهين أوي مقابل إبتلاءات ناس تانيه أصعب من دا بكتير، وكمان اختبار مش جديد عليا بَعيده للمرة التانية في وقت قصير في هعرف اتعامل معاه بشكل كويس ويمكن أحسن".

وتابع: "عشان كدا بحمد ربنا أن الإبتلاء اللي هاخد عليه أجر كبير وعظيم مش بالصعوبة القاسية اللي توجعني وتهدّني".

وأتم كريم فؤاد، رسالته قائلًا: "أنا بحمد ربنا وراضي ومؤمن جداً إن ربنا بيحبنا نقرب منه بالعبادات اللي منها الصبر والدعاء .. الحمد لله مستعد للإختبار ومتحمس .. شوية وقت وهنرجع نحارب من تاني .. أشوفكم على خير قريب".