خالد الصاوي ساخرا من شائعة وفاته:"أنا لو مُت هكون أول واحد يطلع يقول"

سخر الفنان خالد الصاوي من شائعات وفاته التي طالته خلال الأيام الماضية وذلك من خلال مقطع فيديو نشره على صفحته الرسمية عبر موقع تبادل الصور والفيديوهات "إنستجرام". 

سخرية خالد الصاوي من شائعات وفاته 

وعلق خالد الصاوي قائلا: "سلام عليكم إزايكم يا أحبائي، أنا سمعت إن أنا مت امبارح فجيت أطمن فيه حاجة كدة ولا إيه، على العموم بالنسبة للشخصيات دول موتوني 4 مرات في 3 أو 4 سنين". 

وأضاف : "وأحيانا قالوا إن أنا أولادي ماتوا، بس اللهم احفظنا أنا معنديش ولاد، ف أحب أوضح بعض النقط، ف الناس دي مش هنقول نواياها إيه، لأن لما بتعمل إشاعة أكيد عندك غرض، ولا أنت شخصية اللي بتسمعه على النت بتحطه على طول". 

وتابع :"طب أنت مش عارف إن ده تأثيره بايخ على الأهالي، أول حاجة الشخص اللي يعمل كدة يبقى شخص كاذب فنعمل إيه بقى، نطلع كلنا من البروفايل بتاعه وننبه الآخرين كداب، وأؤكد إن في الحاجات الضرورية أو الحساسة لازم أطلع أكد أو أنفي". 

واختتم : "وثقوا يا جماعة إن أنا لو مت هكون أول واحد يطلع يقول خالد الصاوي مات"