مي عمر تكشف سر عن شخصية نعمة الأفوكاتو
حلت الفنانة مي عمر ضيفة ببرنامج "بيت السعد" تقديم عمرو سعد وأحمد سعد على قناة "MBC 1" والذي يعرض مساء كل يوم أربعاء حيث تكشف مي عمر خلال هذه الحلقة الكثير من التفاصيل في حياتها الشخصية وحياتها العملية .
حلقة مي عمر ببيت السعد
كشفت مي عمر تفاصيل عن شخصية نعمة الأفوكاتو قائلة : "أنا لما باجي ألبس في دور بيبقى على حسب الشخصية إيه، يعني مثلا هما بيقولوا الشياكة وكدة علشان في لؤلؤ كانت هي بتلبس شيك" .
وأضافت : "بس ده لأن هي شخصية طالعة مطربة مشهورة جدا في الوطن العربي، ف طبيعي إنها تلبس لبس حلو جدا، لكن وهي فقيرة كانت بتلبس لبس مناسب الطبقة اللي هي كانت منها".
وأوضحت : "من الآخر أنت بتلبس اللي مناسب للشخصية اللي بتعملها، لما الشخصية دي جت تتبني في الأول خالص، كانت الفكرة الرئيسية إن واحدة بتتعرض للخيانة من جوزها وبيحاولوا يقتلوها وبتطلع مماتتش، مكناش لسه حددنا الطبقة الاجتماعية، ف أنا كان نفسي السنة دي أعمل حاجة مختلفة وعايزة أبقى مش أنا" .
برنامج بيت السعد
برنامج "بيت السعد" يقدمه الفنان عمرو سعد وشقيقه أحمد سعد، عبر قناة MBC الفضائية، وتعرض حلقة كل يوم أربعاء، وشهدت الحلقة الأولى استضافة الفنان أحمد حلمي، ويعد البرنامج من إخراج محمد سامي.
