أول تعليق من شقيق الباحثة ريم حامد بعد وفاتها

علق نادر حامد، على وفاة شقيقته طالبة الدكتوراه في فرنسا، ريم حامد، مطالبًا بعدم الخوض في التفاصيل أو أسباب الوفاة، مؤكدًا أنه لا دليل جنائيا على الوفاة حتى الآن، وأن القضية لازالت تحت قيد التحقيق.

وكتب نادر حامد عبر منشور له على حسابه بموقع التواصل الاجتماعي فيسبوك: السلام عليكم يا جماعة .. أنا نادر أخو ريم حامد بعد اذنكم محدش يتكلم عن أي تفاصيل ليها علاقة بالوفاة لإنه مفيش أي حاجة مؤكدة و لا أي دليل جنائى لحد دلوقتي الكلام المكتوب قد يضر بحق ريم من فضلكم نركز بس اننا ندعيلها ونقرأ ليها قرآن و ندعي لوالدتها عشان حالتها صعبة جدا أتمني ان الناس لو فعلا مهتمين بريم اننا نبطل نتكلم عن اشياء غير مؤكده وقضية قيد التحقيق و نبطل نشير البوستات القديمة بتاعتها و رسايلها من فضلكم نحترم خصوصية ريم أختي و احنا متابعين مع محامي هناك و الشرطة الحمد لله و أول ما نوصل لأي حاجة انا هبلغكم كلكم أكيد و ده حسابي و هيبقي المصدر الوحيد لأي حاجة تخص ريم أختي
جزاكم الله خير و شكر الله سعيكم