جيهان الشماشرجي : مكنتش متخيلة إني هحب ياسر جلال بالطريقة دي

حلت الفنانة جيهان الشماشرجي ضيفة ببرنامج "الراديو بيضحك" مع الإعلامية فاطمة مصطفى على الراديو 9090، حيث كشفت جيهان الشماشرجي عن الكثير من الأمور في حياتها الشخصية والعملية . 

حلقة جيهان الشماشرجي بالراديو بيضحك

وتحدثت جيهان الشماشرجي عن كواليس تعاونها مع ياسر جلال في مسلسل جودر قائلة: "مسلسل جودر تقيل جدا وفيه جرافيكس وديكورات هو المسلسل تقيل اوي وربنا يكرم، أنا بحب المسلسل ده جدا الصراحة". 

وأضافت: "شوفت شخصية شروق حالمة جدا، هو جودر بالنسبة لها الحياة والدنيا كلها بالنسبة لها، مستنياه سنين، وهي مش شايفة غيره في الحياة، وهي حالمة اوي وطفولية جدا وده كان حتى وأنا بتكلم مع أستاذ ياسر جلال كان بيقولي ده الحب بتاع الكارتون". 

وصرحت: "أنا مكنتش متخيلة أبدا إني هحب أستاذ ياسر جلال بالطريقة دي وهو راجل محترم جدا، وطول ما احنا في اللوكيشن بيساعد أي حد حواليه، ومتواضع جدا جدا لدرجة إني قولتله إيه ده أنت حقيقي، ف أنا بحبه اوي اوي".