أيمن أشرف يكشف السر وراء عدم استماراه مع الأهلي
كشف أيمن أشرف، لاعب النادي الأهلي السابق، والبنك الأهلي الحالي، عن السر وراء عدم استمراره داخل صفوف الفريق الأول لكرة القدم بالنادي وسبب تمسكه بالرحيل.
سبب رحيل أيمن أشرف عن الأهلي
وقال أيمن أشرف تصريحات تليفزيونية عبر شاشة أون تايم سبورتس: "رفضت عرض بيراميدز لأنه مش بالقيمة اللي تناسبني، وجمهور الأهلي مكنش هيزعل لو روحت بيراميدز عشان مش أنا اللي قررت أمشي أنا قعدت سنة مبلعبش خالص".
وزاد: "صليت استخارة واستقريت على البنك الأهلي، الزمالك تواصل معي عن طريق وكلاء لكني قفلت بدري بدري، لإني محسوب على النادي الأهلي في الأول وفي الآخر وتاريخي مع المارد الأحمر".
وتابع: "مقدرش أروح نادي الأهلي فرع الجزيرة، نفسيًا مش هقدر، بقابل زمايلي بره النادي، بس أنا بروح نادي الأهلي فرع مدينة نصر".
واستهل: "مش هعرف أتعامل دلوقتي، مفضلش ومش حابب أروح النادي فرع الجزيرة»، مشيرًا إلى أنه حزن جدًا وقت رحيل سعد سمير عن النادي الأهلي لأنه شخصية كويسة جدًا وقيادي".
وواصل: "سعد سمير وياسر إبراهيم من الشخصيات المقربة جدًا لي في النادي الأهلي، وهما أكتر ناس منسجم لما كنت في الفريق".
وأضاف: "روحت البنك الأهلي بعد متواصل مع اللواء أشرف نصار رئيس النادي، واستقريت أني أروح، ومش راضي عن نفسه بنسبة كبيرة في الموسم اللي قضيته لسه في أحسن ولكن بالنسبة إني كنت بقالي سنة مبلعبش ف ده شيء كويس ومعقول".
