إيناس الدغيدي: لم أتزوج عرفيا على الإطلاق.. ولكن عشت المساكنة قبل الزواج

 قالت المخرجة إيناس الدغيدي خلال تصريحات إعلامية، أنها لم تفكر في الحرام طيلة حياتها موضحة: مفكرتش في الحرام كتير، ومش حطاه التارجت بتاع حياتي، لأني لو فكرت وقلت حرام حرام، مكنتش عملت أي حاجة في حياتي.

إيناس الدغيدي: لم أتزوج عرفيا على الإطلاق.. ولكن عشت المساكنة قبل الزواج

وأضافت إيناس الدغيدي: الناس شايفني عملت الحرام أكبر بكتير من اللي أنا عملته لأن أفكاري وجرأتي أدت انطباع غير شخصيتي الطبيعية خالص، لكن أنا مش بشرب خمرة ولا سجاير وعلاقاتي مظبوطة ومناسبني سنًا وعقلًا ومش بعمل علاقة من تحت الترابيزة، وممكن أدخل علاقة الناس تشوفها حرام لكن أنا بشوفها عادية طالما فيها صدق وحب واهتمام، وما بحاسبش روحي بالحلال والحرام، وأفكاري الجريئة ظلمتني زمان وقدرتني النهارده لأن اللي بيتعمل أكتر بكتير من اللي قلته.

وفي تصريح جريء كشفت إيناس الدغيدي أنها لم تتزوج عرفيًا على الإطلاق ولكنها عاشت المساكنة قبل زواجها من زوجها، قائلة: عمري ما اتجوزت عرفي، لكني عشت المساكنة مع جوزي قبل ما أتجوزه أكيد، لأني قعدت تسع سنين بحبه، ومش فاكرة المساكنة كانت كام سنة بالظبط.

وأكدت إيناس الدغيدي أنها متصالحة مع عمرها، مشيرة إلى أنها تبلغ من العمر 70 عامًا، مردفة: سعيدة جدًا، وسن السبعين سن جميل، ومش حاسة باختلاف ولا حاسة إني كبرت ولا تعبت، ولسه مش بشوف خط النهاية اللي هو الموت، ودايمًا عندي حتة خيالية لكل شيء وشايفة الموت حياة فيها جمال ومش خايفة منه، لأن هو أكثر هدوء وسلامًا وروحانية وحاجة مش عارفاها وأنا بحب أكتشف كل حاجة في الحياة، ويمكن أنا الوحيدة اللي هتموت وترجع تقول حصل إيه.

وبسؤالها عن إذا كانت تعيش قصة حب الفترة الحالية قالت: مقدرش أعيش من غير حب، وممكن أحب شخص شايفاه أنه يصلح أني أحبه وهو مش مديني كل المعطيات بتاعة الحب، ويا رب ميدينيش علشان أفضل أحبه، يعني موجود لكن مفيش تعاطي بينا وبين بعض.