محمد سامي يستعيد ذكرياته مع تامر حسني

حرص المخرج محمد سامي على توجيه رسالة للفنان تامر حسني مستعيدا فيها ذكرياتهم سويا أثناء تصوير مسلسل "آدم" أول مسلسل يجمعهما سويا، وأول عمل للمخرج محمد سامي . 

رسالة محمد سامي لتامر حسني 

نشر محمد سامي صورة تجمعهما على صفحته الرسمية عبر موقع تبادل الصور والفيديوهات "إنستجرام" وعلق قائلا : "ولا تنسوا الفضل بينكم، وأنا قاعد امبارح في التصوير افتكرت الرحلة والشقى والتعب من أول عمل لحد العمل اللي بصوره دلوقتي وافتكرت صعوبة الحصول على فرصة علشان الواحد يثبت نفسه ويحقق أحلامه" . 

وأضاف : "فطبعا افتكرت أخويا وصاحبي الجدع الطيب الخلوق اللي دعمني من أول لحظة وكان سبب في اللي أنا فيه دلوقتي، تامر قدملي كل الدعم والحب والإمكانيات اللي خليتني أثبت نفسي وبالذات في وقت كان صعب الشباب ياخد في الدراما فرصة بحجم مسلسل آدم". 

وتابع : "فاكر إن الكل كان رافض إني أخد الفرصة دي ومستكبرينها عليا إلا هو وقف في ضهري كأنه بيحارب لأخوه وبصلي مرة والظروف كلها ضدي وكنت حاسس وأنا بحضر إنهم هيجيبوا حد غيري وقالي ده مسلسلك وهتعمله وهتنجح وهتنجحنا معاك، حتى طريقته المتواضعة وهو بيقولي مسلسلك كأني عامل تسع مسلسلات قبله تحسس الواحد بنفسه وأهميته" . 

واختتم : "أشهد الله إنك طول عمرك متواضع ومؤدب وتطلب الحاجة باحترام، ومع الكرو محترم وعلشان كدة روحنا فيك، بحبك يا صاحبي وتستاهل كل حاجة حلوة يا أجمل قلب، ويارب يرزق كل الناس باللي يساعدهم على تحقيق أحلامهم زي ما رزقني بتامر حسني" . 

أحدث أعمال محمد سامي 

يواصل المخرج محمد سامي تصوير مسلسله الجديد "إش إش" استعدادا لطرحه في السباق الرمضاني القادم 2025، ويعد المسلسل من بطولة مي عمر وماجد المصري ومجموعة كبيرة من كبار النجوم، ومن إخراج محمد سامي . 

آخر أعمال محمد سامي 

قدم المخرج محمد سامي مسلسل"نعمة الأفوكاتو" الذي  عرض في السباق الرمضاني الماضي وحقق نجاحا كبيرا طوال فترة عرضه، وشارك في بطولة المسلسل كل من مي عمر وأحمد زاهر وأروى جودة وكمال أبو رية وسلوى عثمان وسامي مغاوري وعماد زيادة، ومن تأليف محمد سامي ومهاب طارق، وإخراج محمد سامي.

في إطار درامي، تعمل المحامية الشابة الطموحة (نعمة) على مساندة زوجها الفاشل كي ينجح في حياته، لكن حياتها تنقلب رأسًا على عقب بعد اكتشافها خيانته لها، وتحاول الانتقام منه.