نادين نسيب نجيم وعمرو سعد يتألقان في مشهد رومانسي ارتجالي
حلت الفنانة نادين نسيب نجيم ضيفة ببرنامج "بيت السعد" فى حلقة اليوم الأربعاء وهو تقديم كل من الفنانين عمرو سعد وأحمد سعد.
حلقة نادين نسيب نجيم ببيت السعد
قدم كل من نادين نسيب نجيم وعمرو سعد مشهد تمثيلي ارتجالي وهو مشهد رومانسي حيث يعترف عمرو سعد بحبه لنادين نسيب نجيم لأول مرة .
وكشفت نادين مؤخرا عن مواصفات فتى أحلامها قائلة : "بحب الراجل اللي بيحب الأرانب، بحب الراجل اللي بتليقله كلمة راجل لأن فيه فرق بين رجل وبين ذكر، وأوقات الواحد مبيعرفش يميز بينهم" .
وأضافت: "الراجل حقيقي هو الراجل اللي بيكون كتلة مشاعر وكاريزما وفي نفس الوقت طموح، وبفضل الشاب اللي عيونه غامقة بصراحة، ولون بشرته سمرا، ولازم يكون عنده ثقة في نفسه وطموح وذكي وبيشتغل ومحترم وحنون مع المرأة".
وصرحت: "مبحبش الراجل اللي عنده غرور، ومبحبش الراجل اللي بيحط الغرور قبل كل شئ وقبل حتى علاقته مع حبيبته".
جدير بالذكر، أن الفنانة منة شلبي، حلت الأسبوع الماضي، ضيفة ببرنامج "بيت السعد" تقديم الفنانين عمرو سعد وأحمد سعد في تمام الساعة العاشرة مساء والذي يعرض على قناة "MBC 1" مساء كل يوم أربعاء، حيث كشفت منة شلبي خلال الحلقة الكثير من التفاصيل في حياتها الشخصية والعملية.
قالت منة شلبي: "أنا بحب أبويا جدا، أنا لسه قريب حطاله بوست كدة كان عيد ميلاده، بقوله أنا بشكر ربنا إن ماما اختارتك واتجوزتك، وإنك بقيت أبويا، لأن أنت عمرك ما ضغطت عليا وخليتني شخص غير نفسي وطول عمرك محترم وجميل وأصيل ومؤدب".
وأضافت: "أتردد شوية لو اتقدملي عريس شبه أبويا لأنه كان مزواج يعني".
كشفت منة شلبي عن مواصفات زوجها المستقبلي قائلة: "مش عايزة حد دمه تقيل، وإنه ميكونش مدعي وبوشين، وإنه يكون مش بتاع ستات".
وأضافت: "أنا من نوع البنات اللي مبتغلش من البنات، يعني مشوفش مثلا بنت جميلة أقعد أقول، لا مش كدة خالص، بشوف إن ربنا سبحانه وتعالى خلق ناس حلوة وخلق حاجات حلوة، نقول عليها حلوة" .
كما قدما منة شلبي وعمرو سعد مشهد تمثيلي ارتجالي وكان مشهدا رومانسيا حزينا عن الحب والفراق، كما قدم أحمد سعد أغنية مؤثرة مما جعلهما في حالة تأثر شديدة .
برنامج بيت السعد
يعد برنامج "بيت السعد" من تقديم كل من الفنان عمرو سعد وشقيقه أحمد سعد، عبر قناة MBC الفضائية، وتعرض حلقة مساء كل يوم أربعاء، وشهدت الحلقة الأولى استضافة الفنان أحمد حلمي، ويعد البرنامج من إخراج محمد سامي.
