أخدوا اللوجو ورفضوا يحاسبوه على تعبه.. شاب يحكى قصته مع مالكى المطعم الشهير " بافالو برجر"
كشف شاب عن قصة تعرض لها مع مطعم بافالو برجر ، منذ 16 عاما، مستعرضا تفاصيلها على السوشيال ميديا.
وقال نادر عنبر ، عبر حسابه على موقع التواصل الاجتماعى ، مستعرضا القصة ،" في 2007 جالي صديق قالي انه يعرف business man هايفتح مطعم برجر جديد اسمه بافالو وعايز لوجو، وعشان انا كان لسة مضحوك عليا في لوجو لـ client بعتهوله عالايميل وخده ومادانيش فلوسه".
وتابع صاحب القصة مع مطعم بافالو برجر"، فا استنصحت بقي قلت مش هابعت حاجة عالايميل تاني! قمت واخد معاد مع هذا البيزنيس مان في كافيه فوتبول في ميدان سفير اللي كان بيمتلكها هي الاخرى.. وطبعت اللوجو الوان علي ورقة A4 وقابلته في الكافيه.. قالي جميل... انا هاحتاج اخد الورقة دي عشان اعرضها علي شريكي.. بعدها باسبوع لقيت الفروع عليها يفط soon BUFFALO BURGER باللوجو بتاعي.. اكلمه.. مايردش، اوسّط الوسيط يقولي مابيردش".
واستطرد،"اللذيذ ان انا طلبت منه وقتها ٣٥٠ جنيه باين تمن اللوجو والالذ انه لسة اللوجو بيستخدم هو هو من ساعتها! ١٦ سنة !! ليه باحكي الكلام ده دلوقتي؟ عشان لقيتهم عاملين اعلان طالبين موظفين عالتايم لاين حالا فا شوفت اللوجو بتاعي عامة انا مش عايز حاجة والله انا كنت ناسي وهما اللي فكروني.. دي مجرد vent-تاية صباحية عشان الواحد قرب للاربعين ووارد يجيلي جلطة. بس الشهادة لله بافالو برجر مش مقاطعة! ".
