شريف إكرامي يهاجم الأهلي بسبب رمضان صبحي وضم إمام عاشور

هاجم النجم شريف إكرامي حارس مرمى فريق بيراميدز الحالي، اليوم الإثنين، النادي الأهلي بسبب اللاعب رمضان صبحي وصفقة ضم إمام عاشور إلى صفوف القلعة الحمراء.

شريف إكرامي يهاجم الأهلي بسبب رمضان صبحي وضم إمام عاشور

وقال شريف إكرامي خلال تصريحات ببرنامج «الكرة مع فايق»، المذاع عبر قناة «إم بي سي مصر 2»: «موضوع الشحات والشيبي، حساس للغاية، الشيبي بيدير الموضوع مع المحامي الخاص به خارج النادي».

وأضاف: «كنت أتمنى الموضوع يخلص قبل ما يوصل للمرحلة دي».

وتابع: «في مباراة المصري البورسعيدي في شهر 5 اللي فات، تحدثت مع الشيبي للصلح مع الشحات».

وواصل: «اتكلمت مع الشيبي وقولتله رأيي بمنتهى الصراحة أنا مش مكانك ومتوجعتش الوجع اللي إنت اتوجعته، لكن أنا نفسي الموضوع يخلص وميوصلش لأبعد من كده».

وأكمل: «الشيبي قالي هفكر في كلامك وهو ممكن يكون مقتنعش بكلامي».

وعن رمضان صبحي قال شريف إكرامي: «انضمام رمضان صبحي لصفوف بيراميدز عمره مع كان ذنب، رمضان صبحي اختار يلعب في مكان تاني وفقد جمهور جمهور الأهلي بسبب انتقاله».

وأوضح: «رمضان صبحي لم يخطئ ولكن عمل حاجة ضد الثقاقة السائدة في مصر منذ سنوات عديدة، رمضان صبحي، مر بحالة نفسية سيئة بعد أزمة المنشطات».

وزاد: «علاقتي مع رمضان صبحي كانت قوية خلال فترة وجوده في الأهلي لأنه زوج اختي، ولكن بعد انتقاله إلى بيراميدز العلاقة ازدادات، لأن كان هناك هجوم كبير على اللاعب».

وأردف: «كانت هناك محاولات لتدمير رمضان صبحي بعد انضمامه لبيراميدز فطبيعي أدافع عنه لأنه جوز اختي، عمري ما اتخلى عن حد خاصة عندما أشعر بأنه مظلوم».

وبين: «أنا بشوف إني ابن بار جدًا للنادي الأهلي وعمري ما انتقدت الكيان أو مبادئ النادي الأهلي».

وأشار: «كل القضايا اللي بتسأل فيها مش باخد المبادرة في الكلام وكلها قضايا عامة وأنا بتسأل وبرد عادي، ولو عندي نية الهجوم على الأهلي كنت هتكلم في وقت الأزمات».

وذكر: «هنأت الأهلي على تتويجه ببطولة دوري أبطل أفريقيا 2021، الأهلي مش نادي عادي، أنا قضيت فيه عمري، أكثر من 25 سنة وعمل اسمي وتاريخي، العالم كل بيهنيه على تتويجه ببطولة قارية بشكل متتالي، أنا مبقاش ابن بار لو مهنتهوش، أي كانت العواقب إللي هتحصل».

وعلق: «اتوقع عليا عقوبة في بيراميدز بعد تهنئة الأهلي ولكن في النهاية مفرقش معايا أوي بصراحة».

وصرح شريف إكرامي عن صفقة إمام عاشور كالتالي: «صفقة ضم إمام عاشورضد دستور النادي الأهلي المعروف ومخالفه لقانون الأحمر».

وأكد: «مصطفى فتحي حبيبي وأخويا الصغير واعتذرلي والموضوع خلص، الفكرة إن أنا لم اثير غضب مصطقفى فتحي، أنا مبحبش اللعيب يتاخد كبش فداء، بغضبك ممكن تصدر إشارات غير مباشرة إنك مش همك الفرقة لو غضبك مبالغ فيه».

مضيفًا: «أنا اتكلمت مع مصطفى فتحي تاني يوم والموضوع خلص، وقولتله أنا أخر واحد في الكرة ممكن عايز ياخد عليك لقطة أنا خوفي عليك وعلى الفرقة، أنا مش عايز الموضوع يخلص أكتر من خسارة الماتش وبس».

اقرأ أيضًا: موعد مباراة النصر والشرطة في دوري أبطال آسيا للنخبة

رحيل شريف إكرامي عن الأهلي

وضح شريف إكرامي رحيله عن الأهلي كالآتي: «لا مش ندمان على رحيلي من النادي الأهلي إطلاقًا، كان قرار عن قناعة تامة بإني أديت دوري كلاعب أساسي وكقائد للفريق بدون أي مشاكل، وكنت داعم جدًا لمحمد الشناوي، ورحلت لكي ألعب أساسيًا، وانتقلت إلى بيراميدز ولعبت أساسي سنتين».

ووصف: «لعبت أكثر من 75 مباراة في بيراميدز وتم إرضائي من قبل النادي، وعندما ذهبت إليهم أصبحت أكثر حارس في تاريخ مصر مشاركة في بطولات الأندية الأفريقية».

معلقًا: «طبعًا بأدين الفضل للنادي الأهلي ثم بيراميدز، وأنا سعيد جدًا منذ دخولي بيراميدز وحتى الآن، وحاسس إني مقدر جدًا من النادي، وفي أجواء تنافسية، وسعيد بدوري في الفريق، والنادي قريب من المنطقة التي أسكن بها وأصبح عندي وقت أقضيه مع أسرتي».

وتحدث: «الزمالك يشرف أي حد لكن جذوري في الأهلي وأنا مش هدخل جوا رمضان صبحي عشان أعرف تفكيره».

واستكمل: «حزنت بسبب أزمة أحمد حجازي مع حسام حسن اتضايقت لأن حجازي عمري ما شوفت له مشكلة خالص واتضايقت إن الموضوع وصل أنه مشي من المعسكر، مكنتش أحب الموضوع يوصل للدرجة دي».

وأتم: «اعتقد أن التصريحات التي قيلت في المؤتمر الصحفي ساهمت في إن الأزمة تكبر، وهي المبررات اللي اتقالت إن ليه حجازي ملعبش، لو كنت مكان حجازي، مش عارف كنت هعمل إيه، أنا ببقى عنيف في حالة واحدة بس لو حسيت إن اتقل من احترامي وعدم اللعب متقلش من احترامي».