«حجج فارغة».. محمد صلاح يفتح النار على جوميز قبل مباراة الزمالك (خاص)
فتح محمد صلاح نجم الزمالك السابق، اليوم الإثنين، النار على البرتغالي جوزيه جوميز، المدير الفني للفريق الأول لكرة القدم بنادي الزمالك قبل مباراة الفارس الأبيض القادمة، في إطار منافسات بطولة الكونفدرالية الأفريقية موسم 2024/25.
«حجج فارغة».. محمد صلاح يفتح النار على جوميز قبل مباراة الزمالك (خاص)
قال محمد صلاح في تصريحات خاصة لـ«مصري تايمز»: «المهم في البداية النتيجة أمام الشرطة الكيني لإنها مهمة وبصراحة إحنا حققنا المطلوب، لكن الأداء يعبر عن الفشل الكبير».
وأضاف: «بس إحنا مش عاوزين نضيع فرحة المكسب دلوقتي خالص على جماهير نادي الزمالك».
وتابع: «بعدين مش هينفع كل شوية جوميز يُخرج علينا بحجج فارغة ويقول الملاعب وحشة والجو حر والكلام ده».
وواصل: «الزمالك بالتاريخ يكسب زي الأهلي، ومعلش متقوليش جورماهيا ولا الشرطة الكيني ولا أي حاجة، الأهلي أحسن شوية من الزمالك في الفترة الحالية، ولازم يكون في أداء للزمالك لإنه يمتلك لاعبيه كرة قدم ممتازة وأصحاب إمكانيات عالية».
وأكمل: «نقدر نقول الراحة كانت كثيرة لكن أنا ضد رحيل جوميز عن الزمالك لازم استقرار في الفريق، وبعدين مش بيتحصل على فلوس كتير بصراحة، والسنادي نحسب لجوميز ونقيمه بالبطولات إللي هيجيبهاللنادي، طالما اتوفر له كل الحاجات إللي عايزها، وإحنا معاه وهنستنى عليه».
واختتم: «نمسي الزمالك يكسب السوبر الأفريقي ولو خسر هتحصل أزمات عديدة، ممكن الإدارة تكمل بجوميز بعد السوبر الأفريقي لكن الجمهور أعتقد هيقول لأ ويرفض، وعايز أحاسب جوميز بعد الـ5 بطولات بتوع الموسم الحالي، ومجلس الزمالك يحدد المطلوب منه، عشان منستعجلش على رحيله، لإنه هيعمل توتر كبير في نادي الزمالك حاليًا».
اقرأ أيضًا: شريف إكرامي يهاجم الأهلي بسبب رمضان صبحي وضم إمام عاشور
الجدير بالذكر أن نادي الزمالك انتصر يوم السبت الماضي، بهدف دون رد، على مضيفه الشرطة الكيني في إطار منافسات كأس الكونفدرالية الأفريقية موسم 2024/25.
وسجل هدف الزمالك الوحيد في شباك فريق الشرطة الكيني النجم عبدالله السعيد من تصويبة صاروخية من خارج منطقة الجزاء.
ومن المقرر أن تقام مباراة الزمالك والشرطة الكيني القادمة يوم الجمعة القادم، في إطار منافسات إياب الدور الـ32 من مسابقة الكونفدرالية الأفريقية، وبالتحديد في تمام الساعة الثامنة مساءً بتوقيت القاهرة ومكة المكرمة.
