تحذيرات من التعامل مع شركة عامر جروب.. مالكة وحدة بـ ساوث بيتش عن تجربتها: بينصب على الملاك
حذر عدد من المواطنين من التعامل مع شركة عامر جروب ، متهمينها بالنصب على العملاء، حسب وصفهم.
وقالت السيدة صاحبة المشكلة مع شركة عامر جروب،" تحذير من التعامل مع عامر جروب ..اشترينا من عامر جروب وحده في ثاوث بيتش( تايم شير ) ودفعنا مبلغ محترم عرفونا أننا كملاك تايم شير عشان نروح الشاليه بندفع حاجه اسمها نظافه ومياه وكهرباء متوسط الخمسه ايام في النظافه (٤٨٥ج) وكهرباء ومياه (١٢٧٥ج)
وتابعت السيدة صاحبة المشكلة مع شركة عامر جروب،"اجمالي (١٧٦٠ج) وده في شهور الشتاء وطبعا الصيف اغلي وكنا بنطالب بتخفيض التكاليف ده وفي لجنه خاصه بينا بتتابع الكلام ده مع اداره عامر جروب فوجئنا بأن اداره عامر ضربت كرسي في الكلوب وزودت الاسعار تاني دون الرجوع للملاك أو الرجوع للجنه المنتخبه يعني متوسط الخمسه ايام بعد رفع عامر للتكاليف أصبح النظافه(٤٨٥ج) وكهرباء ومياه(١٦٠٠ج) اجمالي (٢٠٨٥)يعني زياده في الكهرباء والمياه(٣٢٥) طب ليه
وقالت ،" ليه عامر جروب ميحترمش الملاك ولا يحترم كلامه مع اللجنه المنتخبه عامر جروب بينصب علينا ولما انا مالك للوحده ادفع كل الفلوس ده ليه ما كنت وفرت فلوسي وأجرت زي باقي الناس حسبنا الله ونعم الوكيل في عامر النصاب".
تجربة الشراء من شركة عامر جروب..
كما استعرض مواطن اخر مشكلته مع شركة عامر جروب قائلا،" عامر جروب نصاب حتى مع الملاك. انا شاري وحده في بورتو الجولف والمفروض اللي اوت على مناطق جولف، بعد ماتعملت مدينه العلمين الجديده ابتدى يبني عمارات في الارض اللي قدامي وبعدها جنبي وفيه مشروع عايز يعمله ورانا بدون حمامات سباحه اصلا بحيث ملاكه ينزلوا معانا ،وطبعا المنطقه تحولت لاسكان شعبي من عدد الوحدات الكبير جدا على نفس خدمات بورتو الجولف ايام ماكانت جولف فعلا..ده بيعمل وحدات ٣٠ متر !!! وده طبعا غير فروق الصيانه اللي بتصل في السنه لعشر الاف جنيه على الاستوديو ولو حبيت تأجر شاليهك ملكك ياخد منك اتاوة تعدي ال١٥ الف جنيه..ماحدش بيشتري في عامر جروب دلوقتي".
