«مفيش احترافية».. نجم الأهلي السابق يفتح النار على إدارة محمود الخطيب (خاص)
فتح شوقي عبد الشافي نجم الأهلي السابق، اليوم الأربعاء، النار على مجلس إدارة القلعة الحمراء، برئاسة محمود الخطيب، مضيفًا بأن السويسري مارسيل كولر، المدير الفني للمارد الأحمر، ناجحًا على مستوى تحقيق الألقاب.
الجدير بالذكر أن صرح نجم الأهلي السابق، عبر إذاعة «أون تايم سبورت»: «كيف يحصل لاعب على 20 مليون جنيه مصري، ويحصل لاعب آخر في نفس الفريق على مبلغ 2 مليون، وكيف تكون الفوارق بهذه الصورة؟!».
وأضاف: «الأهلي هو صاحب ضربة البداية الأولى لزيادة أسعار اللاعبين، عندما قام بشراء صلاح محسن من إنبي بأكثر من 30 مليون جنيه حينها».
«مفيش احترافية».. نجم الأهلي السابق يفتح النار على إدارة محمود الخطيب (خاص)
قال شوقي عبد الشافي في تصريحات خاصة لـ «مصري تايمز»: «ده إللي حصل فعلًا ودي الحقيقة، وأنا مشطالع أقول كدة عشان حاجة، أنا مختارتش التوقيت ده، أنا الراجل بيسألني جاوبته، وأنا بتكلم بصفة عامة، في ناس أدفع فيها 40 مليون و50 مليون و100 مليون كمان في الأهلي والزمالك».
وتابع: «مفيش لاعب في مصر يستاهل 5 مليون جنيه، وبعدين هي اللاعيبة اللي عندنا دي محترفة أصلًا، معندناش هنا حد محترف، المحترف ده بيروح النادي من 8 الصبح والله».
وأكمل نجم الأهلي السابق: «وبيروح تمرين الصبح وبعد الظهر، حتى المدرب مش محترف برضو، دي ناس بتيجي هنا ساعتين للتمرين وتمشي، هو في مجلس إدارة محترف في، كلهم بيقولوا إحنا هواة».
وواصل: «إحنا معندناش احتراف بأي شكل من الأشكال، إحنا ماشيين كده وخلاص، بعدين هو في حد بيحاسب حد، الراجل إللي بيشتري 18 لاعب ويبيع زيهم حد بيحاسبه آخر الموسم، وكل أندية مصر بتعمل كده، والأهلي إللي بدأ القصة دي».
اقرأ أيضًا:
القرار النهائي بشأن استبعاد منتخب مصر من كأس العالم 2026 (خاص)
موعد مباراة الأهلي والعين الإماراتي والقنوات الناقلة في كأس إنتركونتيننتال للأندية 2024
نجم الأهلي السابق يدافع عن كولر ومحمد رمضان
وزاد شوقي عبد الشافي: «محمد رمضان راجل محترم جدًا وشاطر وكان إداري قبل كدة، وموجود في النادي من زمان ونجم كبير، والإدارة شايفة إنه المناسب في التوقيت ده».
وأردف: «اللاعب بيفضل على السوشيال ميديا كتير وده أكبر دليل إن مفيش احتراف في مصر، ولو عايزين نصلح هنصلح، والأهم مصلحة النادي وأنا مش مسؤول دلوقتي».
وأوضح نجم الأهلي السابق: «كولر عمل إيه غلط، من ساعة ما درب الأهلي بيكسب بطولات، هو خسر بطولة وكسب 5 غيرهم، يعني عشان ماتش وحش يمشي، مفيش كدة في الدنيا، إيه المشكلة يعني».
وبين: «والمفروض خسارة الأهلي أمام الزمالك في السوبر الأفريقي تفوق لاعبي الأهلي، ويحافظوا على مكانتهم عشان اسم الأهلي كبير، خصوصًا إنه متوفر لهم كل الإمكانيات».
وذكر: ««مفيش حد بينافس الأهلي في آخر 6 مواسم، وإيه المشكلة إنك خسرت ماتش من الزمالك، الأهلي قبل ماتش السوبر الأفريقي كانت معنوياته أعلى والزمالك كانت معنوياته منخفضة وفي النازل، ورغم كدة الزمالك فاز، وكان عنده حافز أكبر من النادي الأهلي، ولعب أحسن وكسب».
واختتم شوقي عبد الشافي: «إللي بيبذل مجهود وعنده حافز أكبر وبيسع كلام المدرب إللي قاعد برا، وإللي التوفيق معاه بيفوز، مفيش فريق نزل ماتش قبل كدة وكان كسبان 2-0 مثلًا».
