هاني أبو ريده يوجه الشكر إلى جمال علام وأعضاء الاتحاد على أدائهم
اثنى هاني أبو ريدة رئيس اتحاد كرة القدم ، على دور اللجان في الفترة لمساعدة مسئولي الجبلاية في عملهم موجهاً الشكر للشركة المتحدة على دعمها للاتحاد المصري.
هاني أبو ريدة يوجه الشكر إلى جمال علام وأعضاء الاتحاد على أدائهم
قال أبو ريدة خلال مؤتمر صحفى الذي أقيم اليوم :"بوجه الشكر الى جمال علام ورجاله على أداؤهم الفترة اللي فاتت وكل اللي جلس على كرسي الاتحاد لأنها مسئولية، كرة القدم هي المزاج العام للشعب، بشكر كل من تواجد في هذا العمل وكل الناس اللي اتعاملت معاهم على مدار 30 سنة فاتت".
تابع:"كل أمنياتنا الفترة الجاية نسعد الشعب المصري والانتصارات، عاوز اشكر الأندية بالكامل اللي كسبت بطولات أسعدت الشعب المصري والفترة الجاية في لجان داخل الاتحاد مهمة جدا هنفعل دورها علشان تساعد الاتحاد".
وأكمل "بشكر الشركة المتحدة على دعم الاتحاد وبنفكر خارج الصندوق علشان يبقى عندنا موارد ندعم المنتخبات ونساعد الأندية وبنفكر في اعادة دوري المدارس علشان الشباب يتعودوا على الممارسة الرياضية الفترة الجاية".
وأضاف :"احنا كل الموارد المتاحة في الفيفا هنحاول نستفيد بيها مع الحكام لتطويرهم على مستوى الدورات التدريبية وهنستغل علاقاتنا بالاتحاد الدولي لدعم مدربينا ودورات المدربين.
وشكر أبو ريدة الحكام قائلا : بوجه التحية لـ3 حكام راحوا معسكر كأس العالم، مهم مصر تكون ممثلة في كأس العالم، لكن الأهم ان الحكام يكون عندهم روح التعاون ويساعدوا بعض ميبقاش كل مجموعة عمل للحكام واقفة للآخرين".
وأختتم :" مفيش نجاح بدون مشروع، من خبرتي السابقة في مشروع بدأ من 92 لـ 2004، دي من اسعد تجاربي في العمل التطوعي في اتحاد الكرة، وطلعت نجوم قدروا ياخدوا بطولات “4 امم افريقيا في 12 سنة ، والمشروع توقف ،سنحاول إعادة المشروع مرة أخرى .
