أحمد حلمي معلقاً على "الدشاش": مبروك يا عشرة العمر.. وسعد: "يارب الفيلم يعجبك"

حرص النجم أحمد حلمي على مشاركة النجم محمد سعد فرحته بقرب صدور أحدث أعماله السينمائية "الدشاش"، ووجه حلمي رسالة عبر "ستوري إنستجرام" رسالة لصديق عمره  معلقاً على البرومو الرسمي للفيلم.

وقال أحمد حلمي في رسالته: "أخويا الغالي وزميلي وصاحبي وعشرة العمر، مبروك مبروك مبروك وأنا أول الحاضرين ويارب بالنجاح والتوفيق وتكسر الدنيا بعون الله، لوك جامد وجديد وإن شاء الله فيلم الدشاش حديد".

وعلى الجانب الأخر أعاد محمد سعد نشر رسالة أحمد حلمي عبر "ستوري إنستجرام" في صفحته الرسمية معلقاً على كلام حلمي والذي تجمعه به صداقة قوية جداً وقال في رسالته: "حبيبي وأخويا الغالي أحمد مش لاقي كلام أقوله على حلاوتك دي مستنيك تشوف الفيلم ويارب يعجبك وصبح صبح عالغاليين".

في سياق متصل كانت قد طرحت الشركة المنتجة "الرشيدي فيلم" البوستر الرسمي لفيلم الدشاش بطولة الفنان محمد سعد، والذي من المقرر طرحه في دور العرض المصرية في 1 يناير المقبل.

طرح فيلم الدشاش 

نشرت الشركة المنتجة بوستر الفيلم على الصفحة الرسمية عبر موقع تبادل الصور والفيديوهات "إنستجرام" وعلقت : "عالم الدشاش كله أسرار وحكايات.. انتظروا النجم محمد سعد في فيلم الدشاش يوم 1 يناير بجميع دور العرض في مصر ويوم 15 يناير بجميع الدول العربية".

فيلم الدشاش 

يستعد الفنان محمد سعد لطرح فيلم الدشاش أحدث أعماله السينمائية خلال الفترة المقبلة، وذلك بعد أن انتهى من تصوير الفيلم مؤخرا .

وتداول رواد التواصل الاجتماعي خلال الساعات الماضية صور للفنان محمد سعد من كواليس فيلمه الجديد يزعمون بأنها من إعلان الفيلم وأنه عرض بالسينمات قبل توفره عبر وسائل التواصل الاجتماعي .

وأبدى رواد التواصل الاجتماعي بتوقعات إيجابية كثيرة توحي بعودة الفنان محمد سعد للسينما بقوة بعد غياب استمر لمدة 5 سنوات، وذلك بعد النجاح الهائل الذي حققه خلال فيلم الكنز . 

أزمة فيلم الدشاش 

وفي سياق متصل، حذر المخرج أحمد البنداري من التعاون مع الفنان محمد سعد بالسينما، وذلك بعد سرقة فكرة فيلم “الدشاش” الذي كان يحمل إسم “الحاوي”.

وقال أحمد البنداري: فيلم الدشاش ده اصلا اسمه كعب داير وكان مترشحلة نجوم تانية يا ريتني كنت روحت لأي حد فيهم.

وتابع: “المهم بعد مكالمات ومواعيد كتير روحتله البيت أنا والمؤلف  اللي مش بالوم عليه لأنه بقاله كتير مستني فرصة من نجم المفروض انه كبير المهم.. المفروض السيناريو كان عاجب سعد جداً ومتحمس له جداً خصوصاً انه كوميدي دراما مش فارس كوميدي زي كل افلامه ، و كان في شركة كبيرة ومنتج كبير موافق على الفيلم بحذر طبعاً لسمعة محمد سعد مع المخرجين انه لكني طمنته وقولتله ماتقلقش سعد عاجبه الفيلم و متفقين على الخطوط العريضة كلها و كان شرط سعد الوحيد ان المنتج ما يعترض على أجره الكبير.. ده كان كلامه بالحرف.. المهم المنتج ده كلم سعد و اداله اكتر من ميعاد و سعد لغى كل المواعيد لأسباب مختلفة”.

واستكمل: المهم بعدها كلمته قالي نفس الكلام انه الفيلم مش عاجبه ما احب أطول في المكالمة خصوصاً ان ده حقه انه يعجبه فيلم او مايعجبوش مع انه مقالش كده من الأول بالعكس والحمد لله على نعمة التكنولوجيا الواتساب كله موجود.. بس الغريب اني اكتشف بعد كدة ان الدشاش هو الحاوي مع مخرج تاني و منتج تاني ليهم كل الاحترام والتقدير والتمنيات بالتوفيق.. مع الفارق في نجم كبير جدا مش هقول اسمه روحتله بفيلم.. شوفت منه صراحة و وضوح في اللي عاجبه و اللي مش عاجبه و قاري الفيلم كويس مش حد قاري و حاكيله الفيلم ده غير التزام رهيب في المواعيد مع انه حقيقي مش فاضي لحد اخر ٢٠٢٥ يعني ممكن مانشتغلش الفيلم ده اصلاً مع بعض لكن عرفني ليه الراجل ده محافظ على نجوميتة بقاله ٢٠ سنة تقريباً لأنه بيسمع للأخر و بيقرا كويس و ملتزم لأقصى الحدود.

واختتم أحمد البنداري منشوره: ربنا يوفق الجميع و ده كان تحذير لأي صانع افلام من التعامل مع محمد سعد من غير ما يكون مأمن نفسه و مجهوده ١٠٠٪؜ لأن مجهودك و التزامك و صدقك دول شرفك في الشغلانة دي.. وهما اللي هيخلوك تعرف تحط صوابعك في عين التخين و تقوله كده غلط و عيب ومايصحش كده انت المفروض كبير و الكبير مابيلفش و يدور.. عموما انا بعد الموقف ده و موقف شبيه حصلي السنة اللي فاتت بدعي و بقول يا رب ٥ مليون دولار و نبطل شغل.