"وصفها بممثلة أي كلام".. مشادة كلامية بين نشوى مصطفى وأحد معدى البرامج

عبرت الفنانة نشوى مصطفى عن غضبها من أحد معدى البرامج التليفزيونية بعد إزعاجه لها ووصفها بالممثلة الـ"سكاند هاند" ولا يشاهدها أحد إلا أولادها.

وروت "مصطفى" تفاصيل الواقعة قائلة من خلال منشور عبر صفحتها الشخصية على موقع التواصل الاجتماعى فيس بوك  " امبارح الساعة واحدة ونص الصبح كلمنى شخص علشان يقول لى انه عايزنى ضيفة فى برنامج — الحقيقة كلمنى على رقمين تليفون ماردتش على الاول ولما كلمنى على الرقم التانى قلت اكيد فيه مصيبة وحد بيستنجد بيا من اهلى مثلاً — المهم كتبت بوست هنا شرحت اللي حصل بدون مااذكر اسمه ولا رقمه ولا البرنامج  ولا القناة —  النهارده دخل  واعلن عن نفسه وانه  كان بيتصل بيا لأنى ممثلة اي كلام وماحدش بيتفرج عليا غير ولادى وانه هو خريج جامعة امريكية".

وتابعت  " وانى مجرد خريجة المعهد العالى للفنون المسرحية التابع لوزارة الثقافة المصرية —  وده كلامه  من فضلكم   محتاجة مشورة اتصرف ازاي  علشان افهمه اداب التعامل مع فنانة مصرية عصو نقابة المهن التمثيلية وخريجة المعهد العالى للفنون المسرحية التابع لوزارة الثقافة المصرية اللي بيعايرنى بيه .. ملحوظة  :-  مثبت على تليفوناتى الوقت اللي اتصل فيه على التليفونين".

وعقب نشر الواقعة تضامن عدد كبير من جمهور الفنانة نشوى مصطفى معها ، رافضين سلوك المعد وطريقة كلامه وما بدر منه.