تامر حسني ورامي صبري يتصدران الترند بأغنية "فعلا مبيتنسيش"

منذ طرحها الساعات الماضية، وحققت أغنية "فعلا مبيتنسيش" للنجمين تامر حسني و رامي صبري، نسب مشاهدة عالية جداً، حيث تصدرت الأغنية محركات البحث ومواقع التواصل الاجتماعي وحققت ملايين المشاهدات عبر تطبيق "تيكتوك"، ومختلف مواقع التواصل الاجتماعي.

تفاصيل "فعلا مبيتنسيش"

وطرح النجم تامر حسني أغنية الدويتو "فعلا مبيتنسيش" التي جمعته بالمطرب رامي صبري عبر قناته الرسمية على "يوتيوب" مساء أمس وفي أقل من 12 ساعة وصلت عدد مشاهداتها لما يقارب 600 ألف مشاهدة، والأغنية من كلمات عمرو تيام، ألحان شادي حسن، توزيع مكس وماستر طارق توكل، وتريات تامر غنيم، أما الفيديو كليب فمن إخراج النجم تامر حسني، وانتاج حسام حسني.

كلمات الأغنية

وتقول كلمات أغنية "فعلا ما بيتنسيش":

(فعلا مبيتنسيش)

كان عقلي فين مني زمان أنا جيت أوي عليه

قفلت أنا كل البيبان بينا بعمايلي فيه

فرطت فيه بإيديا أنا أذيته طول السنين

و جالي قلب ازاي كده والقسوه جاتلي منين

ضميري مش مرتاح عشان ضيعته بأيديا

أناني كنت و هو كان باقي عليا

انا اللي 1000 مرة خان و لا عاب في يوم فيا

فعلاً مابيتنسيش

و حاولت أتعايش بفشل واقفه حياتي و مش بعيش

و بكابر عامل قادر

و إن فراقه مهزنيش و أنا تايه في الحياه

وقفت بيا خلاص الحياه ومشوفتش بعده خير

كان همي أبان للناس تمام و أنا فالنفس الأخير

إحساسي بذنبه مارحش يوم و مفيش سكه لرجوع

على نفسي كتير بعتب و ألوم على ظلمي ليه موجوع

في غيري دلوقتي معاه و بقيت انا ماضي

و جرحه حد أكيد داواه وزمانه عاش عادي

انا إتجاحدت كتير معاه وهو كان راضي

وفي وقت سابق شارك النجم تامر حسني جمهوره ومتابعيه كواليس تحضير لأغنيته الجديدة مع الفنان رامي صبري "فعلا ما بيتنسيش".      

تامر حسني ينشر كواليس أغنيته "فعلا مبيتنسيش"

ونشر تامر فيديو من تحضيرات الاغنية عبر صفحته الرسمية "فيس بوك" وعلق عليها " من كواليس تحضير‎ أغنية فعلاً مبيتنسيش تامرحسني و رامي صبري يوم الأثنين ٦ يناير ٢٠٢٥ الساعة ٦ مساءً على يوتيوب وجميع منصات الأستماع".

علي جانب آخر كان تصدر الفنان تامر حسني مؤشرات البحث جوجل، بعد نفيه أنباء عودته لطليقته الفنانة بسمة بوسيل بعد عامين من انفصالهم، مؤكدة إنها مجرد شائعات وتكهنات.

ظهر تامر حسنى فى إحدى المناسبات وتوجه له سؤال عن مدى عودته الى بسمة بوسيل وكان رده : "دي شائعات.. خلينا نبدأ سنة جديدة بالدعوات مش بالشائعات وندعي الناس ربنا يكرمهم بالسنة الجديدة، وأي حد تألم أو اتعذب السنة اللي فاتت ربنا يكرمهم ويشوفوا أيام جميلة السنة دي ،"يا رب السنة دي ما يبقاش فيها أي عذاب، تحديدًا كل البلاد العربية يارب مانشوفش أحزان تاني". 

تامر حسني وطليقته بسمة بوسيل

وقد أثار هذا الأمر حالة من الجدل الواسع داخل الوسط الفنى حتى تصدرت الفنانة بسمة بوسيل تريند جوجل بعد حديث تامر حسنى عنها وهو ما دفع تامر للخروج عن صمته مجددا ليعلق : "لو في أي كلام تردد عن محاولات رجوعي لبسمة فهي مش شائعات وبالفعل في أولاد حلال بيحاولوا يصلحوا الموضوع بينا وكتر ألف خيركم وربنا يقدم اللي فيه الخير لينا".