الرئيس السيسي: تقدير واحترام شديد للمصريين اصفافهم خلف القيادة والدولة
قال الرئيس عبد الفتاح السيسي، خلال كلمته في زيارة تفقدية إلى الأكاديمية العسكرية المصرية، بحضور الفريق أشرف زاهر رئيس الأكاديمية العسكرية: "لازم أسجل هنا للمصريين تقدير شديد واحترام شديد.. اصطفافهم خلف القيادة والدولة.. بقول لكم أنتوا كمستقبل مصر.. الجهد كان متوفر بوعى وتفاهم المصريين للمخاطر الموجودة.. كانوا ومازالوا على قلب رجل واحد تجاه الأحداث التي تمر بالمنطقة.. وده أمر مأثر فيا جدا بشكل إيجابي وسعيد بيه اوي".
كلنا فى مصر على قلب راجل واحد
وتابع الرئيس السيسي: "سعيد أن المصريين جنب منى ومعايا وفاهمين.. حتى لو فيه ظروف صعبة الكل تجاوزها.. كلنا فى مصر على قلب راجل واحد تجاه التحديات فى المنطقة.. ده أمر لازم أقوله واسجله لشعب مصر.. كل التحية لشعب مصر".
واستطرد الرئيس السيسي: "الفترة اللي احنا فيها واللي جاية.. مكملين الجهد ده والتنسيق مع الأشقاء والشركاء في أوروبا والولايات المتحدة أن احنا نصل إلى وقف الحرب في غزة.. فترة كبيرة اوى والمنطقة شهدت أحداث كبيرة اوى خلال سنة ونص.. وكلها أحداث مكنتش إيجابية".
