الرئيس السيسي: الزهايمر يحتاج عناية خاصة وسيكون للدولة دور في رعاية المرضى

أكد الرئيس عبد الفتاح السيسي أن مرض الزهايمر مختلف لأنه فى الغالب يصيب كبار السن الذين يحتاجون إلى رعاية صحية مختلفة بجانب الرعاية الخاصة بالمرض نفسه، متابعا: "عايزين نفكر فى الموضوع ده".

وأضاف الرئيس السيسي، خلال لقاء المرأة المصرية والأم المثالية: "محتاجين نفكر فى الموضوع ده ومش هنحسمه دلوقتي أيا كان العدد الموجود.. ومحتاجين نقاش أكثر ونشوف ايه اللى ممكن نتحرك فيه من خلال بيانات وزارة الصحة".

تحدث الرئيس عبد الفتاح السيسي، عن موضوع الحضانات داخل الدولة المصرية، قائلا: "لما جينا نتكلم فى الموضوع ده من 3 -  4 سنوات.. كان العدد الموجود أقل من كده بكتير.. ولازم نعترف إن النمو السكاني بتاعنا مش بيخلينا نقدم أفضل خدمة فى أي مجال من المجالات سواء تعليم أو صحة بما فيها الحضانات".

وأضاف الرئيس السيسي، خلال لقاء المرأة المصرية والأم المثالية: "قولنا ساعتها نقلل من حاجتين.. الشروط المطلوبة للحضانات بما أن مفيش خالص أو عندي حاجة كويسة.. وقولنا يبقي عندنا حاجات ممكن تتطور بعد كده من خلال الإشراف والتعامل بتاعها".

وتابع الرئيس السيسي: "لما فكرنا فى المدارس الابتدائية وقولنا أنه يكون قبل المرحلة الابتدائية فيه فصلين للحضانة من أجل زيادة العدد.. وندي فرصة أيضا للمدارس من خلال الانتشار الجغرافي أن تحقق المطلوب ونساعد المرأة سواء المعيلة أو المرأة التي ترغب فى إرسال أبنائها للحضانة أو الإعداد لصالح التعليم.. عندنا أكثر من 50 ألف مدرسة وقلنا لو حطينا فى كل مدرسة فصل أو 2 هيكون عندنا من 50 -60 ألف حضانة وده اللى اشتغلنا عليه من حوالي 4 سنوات وأتمني أن لو فيه أفكار أخرى نشتغل عليه".