عاجل| طلبولنا الشرطة.. استغاثات من شركة بن لادن السعودية بسبب مقر شركة المراسم في مصر

استغاث عدد من ملاك مشروعات شركة المراسم للتطوير العقاري بالشركة السعودية المسئولة عن المشروع فى مصر.

مشروعات شركة بن لادن السعودية

وقال المتضررون،" محتاجين إغاثة من شركة بن لادن السعودية بما يحدث بنا في مصر من مقركم في القاهرة شركة المراسم للتطوير العقاري التابع لكم نحن في اشد الحاجة الي إغاثة أغيثونا بما عملوا فينا في مصر، هل شركة بن لادن بتصدر أوامر الي المسئولين في مصر انهم يكلموا للملاك الشرطة لانهم بيطالبوا في حقوقهم و مفيش أي مسئول قابل يتكلم معانا و بيتعاملوا معانا معامله العبيد و ليس كملاك و لينا حقوق، الحقونا يا شركة بن لادن، عايزين مسئول نتكلم معاه يكون عنده رحمه فينا".

وكان قد عبر عدد كبير من ملاك مشروعات شركة المراسم للتطوير العقاري عن غضبهم بعد قرارات الشركة الأخيرة، مما دفعهم للاحتجاج أمام مقر الشركة، وذلك على خلفية التسهيلات والطرح الجديد من قبل الشركة ليقع بذلك ضرر على الملاك والمتعاقدين القدامى، على حد قولهم.

وقال أحد المتضررين،" شركة مش بتراعي الملاك اللي وثقو فيهم و اشترو منهم  من سنه ونص والمكافأة اللي الإدارة عملتهالهم انهم نزلو لونش جديد و نزلو في السعر وعلى عشر سنين بدل تمانية".

وتابع متضرر آخر،" الموضوع مش تخفيض السعر الشركة غيرت اتفاقها عن ماتم التسويق لة في اللونش اتفقنا على الوحدة كاملة التشطيب بالتكيفات واقساط متساوية لكنهم كتبوا العقود بعدها ب٤شهور بعد دفع المقدم ال٥% ولغوا التكيفات وغيروا فى قيمة وتاريخ الأقساط".

وقال متضرر ثالث،" دمروا كل الملاك اللي اشتروا معاهم في أكتوبر فى مارفيل نيوزايد ودي اول شركة في مصر تنزل السعر وفضحوا نفسهم قدام الناس و نزلو السعر من ١١٠ الف لحد 70 الف و دمروا اللي اشتروا معاهم .. الشراء والاستثمار معاهم خطر كبير".