"مختلفين عن بعض".. محمود حافظ يخوض سباق رمضان 2021 بـ "3 مسلسلات" (خاص)
الأربعاء 03/فبراير/2021 - 05:17 م
يخوض الفنان محمود حافظ السباق الرمضاني المقبل من خلال مسلسلين، هما "اللي ملوش كبير" للفنانين ياسمين عبد العزيز وأحمد العوضي، و"النمر" للنجم محمد عادل إمام، بالإضافة إلى حلوله ضيف شرف في مسلسل "بنت السلطان"، الذي يعد أولى بطولات روجينا في الدراما التلفزيونية.
وقال محمود حافظ في تصريحات خاصة لـ "مصر تايمز": "كل اللي أنا بلعبه السنة دي مسلسلات اجتماعية، وإن شاء الله كل واحد فيهم برضة هيكون مختلف عن التاني".
وحول ما جذبه في أعماله الدرامية لموسم رمضان المقبل، قال: "الممثل في كل الأحوال بيحب التنوع، ويحب يدور على أدواره إلى بيقدمها ومتبقاش على وتيره واحدة عشان الجمهور ميملش".
وعن ظهور الفنان المتكرر على الشاشة، أوضح حافظ أنه يقوم بدور محوري في مسلسلين فقط، مضيفا: "أنا مش داخل أعمال كتير بشكل أوفر، ولو الفنان قادر يدخل أكتر من عمل ويبقى ذكي فى شغله فا ليه لا، وأنا من النوع الي ممكن ميظهرش كتير في برامج بس أظهر للناس بشغلي، وأحاول أقدم أحسن ما عندي".
وأكد حافظ أنه يحترم كل من يصفه بالكوميديان، متابعا: "كلمة ممثل تعنى أنك تمثل الكوميدي والشر والخير، وخفة الدم دي بتبقى من عند ربنا، وأنا بحب دايما فعلا الكوميديا بس إلى خارجة من الشخصية".
