"بنواجه حقد كتير".. تامر حسني يوجه رسالة لجمهوره

وجه الفنان تامر حسني رسالة لجمهوره ومتابعيه، مؤكدا خلالها إنه فى هذا العصر فالناس تواجه العديد من أشكال الحقد والكراهية، مشيرا إلى أن طاقة الإنسان هي التي تساعده على مواجهة كل هذه الصعاب.

وكتب "تامر" عبر حسابه على موقع التواصل الاجتماعي "انستجرام": "نهاركم جميل زيكم، من كام يوم نزلت بوست تحفيزي ليكم عن النجاح والحقيقة فرحت أوي من استقبالكم للبوست، وسبحان الله حسيت ناس كتير كانت مستنيه تسمع كلام زي دا، يا جماعه إحنا في العصر الصعب دا بنواجه كمية حقد و غل و كراهيه و طاقه سلبيه مش طبيعيه لازم نرد عليها بالعكس، لازم يكون في طاقة أكبر، بترد على كل الإحباط دا".

وأضاف: "والحقيقه إن أنا عندي بعض الخبرات في الحياة من خلال رحلتي المتواضعة أحب أوصلها ليكم، هحاول كل كام يوم اتناقش معاكم في موضوع أو اقترح عليكم حاجه بعملها دايماً، هبدأ بحاجة بعملها باستمرار وعلمتها للمقربين مني ومواظبين عليها من سنين".

وتابع: "وهي إنكم حالاً تستحضروا ناس في دماغكم بتحبوهم وتدعولهم باسمائهم في ظهر الغيب بكل اللي يتمنوه، و كل فتره نكررها و نثبتها زي ما بنثبت حاجات تانيه في حياتنا مش بالأهمية دي، والله هتلاقوا تساهيل كتير حصلت مش هتعرفوا بتحصل منين".