تعذيب كلاب داخل شاليه فنانة شهيرة في الساحل الشمالي
الجمعة 25/سبتمبر/2020 - 09:43 م
نشر جروب "انقذ روح حيون" المعنى بحماية الحيونات والحفاظ عليها، استغاثة من تعذيب مجموعة كلاب بتركهم دون طعام أو مياه نظيفة لفترات طويلة داخل أحد الشاليهات بالساحل الشمالي بقرية الشروق، يزعم أنها ملك الفنانة الشهيرة شيرين، بطلة مسرحية "المتزوجون".
وقالت مها المصرى، صاحبة الاستغاثة، أنها ذهبت إلى الساحل الشمالي في 18 سبتمبر الجاري، ومنذ تلك الفترة حتى اليوم الجمعة الذي غادرت فيه، وجدت مجموعة من الكلاب محجوزين داخل شاليه يحمل رقم 927، في قرية الشروق بالكيلو 40، مع القليل من الطعام مرة وأحدة، حسب شهادة الجيران ومياه راكدة لا يتم تغيرها وليست نظيفة، حسبما أوردت في منشورها.
وأضافت "المصرى": اللي في النص ده أعتقد هاسكي.. أنا ماليش في الكلاب بس أعتقد الكلاب لازم يكون عندهم مياه على طول خصوصا في الحر.. اتكلمت مع الرجل اللي متواجد في الشاليه.. قالي هم متعودين على كده.. طب بتفكهم أو بتمشيهم؟.. قال لا لني لوحدي ومش بقدر عليهم.
وتابعت: "وبصراحة معرفتش أنا اعمل أيه أو أقوله أيه.. الوضع غير آدمي لحيونات مش هتقدر تتكلم وتقول موجوعين أو تعبانين أو جعانين.. أرجوكم يا جماعة.. حد يعمل حاجه باسرع وقت.. ينوبكم ثواب.. وياريت النهارده.. الجيران اللي فوق الشاليه موجودين وممكن يساعدوكم برضه.. هم معندهمش خبرة في الكلاب برضه، فكل اللي عملته واللي عملوه إن إحنا حطينا لهم مياه.
وقالت: "مع الأسف كمان الريحة بشعة جدًا.. لانهم بيتبولوا مكان ما هم قاعدين.. لو سمحتم حد يعمل حاجة.. الموضوع بيقطع القلب بجد رؤيتهم كده كل يوم.. الشاليه رقم 972 ملك الفنانة شيرين (مسرحية المتزوجين).
وتفاعل العديد من رواد موقع التواصل الاجتماعي "فيسبوك" مع المنشور وطالبوا المسؤول عن المكان المذكور بضرورة انقاذ الكلاب وتوفير الطعام اللازم لهم أو تركهم في حالهم وإطلاق سراحهم، حتى يتمكنوا من العيش.
