لميس الحديدى عن ملف الإنجاب: بكرة هيبقى عندنا 101.5 مليون نسمة

تابعت عبر برنامجها "كلمة أخيرة" المذاع على شاشة "ON"  قائلة: "لو كملت الزيادة بهذا الشكل الدولة مش هتقدر ولا المواطن المصرى نفسه هيقدر يتعايش ومهما عملنا تنمية هذه الزيادة سوف تلتهم هذه المعدلات، ولابد أن يقترن الأمر بإجراءات واضحة من الدولة تخص ملف الدعم  وقصره على أول طفلين مع خطورات زيادة الوعي في الشارع  .

وقالت الحديدى، مش عايزة حد يقلي النموذج "الصيني" والاستثمار في البشر لان إقتصادها إقتصاد أخر، وعلى فكرة  الصين إللي بعض الناس بتقول نسيب الزيادة السكانية عادي ونهتم بالاستثمار في الطاقة البشرية عاوزة أقلهم أن الصين لديها ضوابط  قاسية عندهم إنجاب طفل واحد فقط .

ووجهت رسالتها للمواطنين قائلًة،" إذا كنت ياعزيزى المواطن عاوز تعيش بالشكل ده في مناطق زي الهجانه وغيرها، إتفضل إنت حر وخلف براحتك من غير ماتراعى الزيادة السكانية، بس الدولة مش هينفع تفضل تشيل كل ده، لأن مصر دولة نامية محدودة الموارد، ومع  ذلك تقتحم أصعب الملفات، بداية من الإصلاح الإقتصادى صعب مقارنته بتونس ولبنان والدول المحيطة، بالاضافة لعش دباببير العشوائيات، والريف، وتقنين مخالفات البناء، والتعليم الذي يتم اصلاحه، والتأمين الصحى الشامل وهو الأول في تاريخ مصر، حيث أصبح لدينا قضية تنمية حقيقية، الدولة  شايلة كل ده".

وبقول للمواطنين بدون ضوابط الانجاب إنسوا أنكم تحسوا بهذه الجهود هتفضل جهود الدولة تتاكل من فضلكم ساعدونا .