محمد أنور بعد خضوعه لعملية جراحية: "الصحة أهم نعمة"

فاجأ الفنان محمد أنور، نجم مسرح مصر، متابعيه بخضوعه لعملية جراحية، استطاع عقبها تقدير النعم التي أنعمها الله عليه، وهي عملية "الفتاء" في البطن.

وقال "أنور" على حسابه الرسمى عبر موقع التواصل الاجتماعى "فيسبوك": "أي واحد في العادي لما بتسأله أيه من نعم ربنا نفسك تكون عندك اغلب الناس بيتمني نعم كتير ،وقليل اللي بيفكر في اهم نعمة وهي نعمة الصحة".

وأضاف: "للأسف دي النعمة الوحيدة اللى مابتفكرش فيها غير لما يجيلك مرض أو تعمل عمليه ساعتها بتلاقي أبسط الأشياء إللى كنت بتعملها عادي زي دخول الحمام أو النوم بقي حلم من أحلامك وساعتها بتتمني من ربنا زوال كل النعم إللى عندك بس ترجعلك صحتك".

 

وتابع محمد أنور: "معلش مش قصدي ابقي عميق والله ؛ بس اصل انا عملت عمليه صغيره أوي وإتعلمت منها كتير أوي فقولت أكتب الكلام ده عشان لما أبقا كويس وأنسا النعمه دي الفيس بوك يفكرنى".

يعد أخر أعمال الفنان محمد أنور، هو مسلسل "إسعاف يونس" بطولة كلًا من سارة سلامة، منة عرفة، محمد علي رزق، إيمان السيد، أحمد محارب، وتأليف فاروق هاشم، ومصطفى عمر، وكتابة أحمد محارب، خليفة سمير، وأحمد فوزي، وإخراج معتز التوني، وإنتاج شركة سينرجي.