السيسي يطالب الحكومة بسرعة الانتهاء من اشتراطات البناء

وجه الرئيس عبدالفتاح السيسي، الحكومة برئاسة الدكتور مصطفى مدبولي بسرعة الانتهاء من الاشتراطات الجديدة للبناء، وإعلانها للشعب.

جاء ذلك خلال افتتاح الرئيس السيسي ، اليوم الأحد، لمجمع التكسير الهيدروجيني بمسطرد بمحافظة القليوبية.

وقال الرئيس السيسي "اشتراطات البناء والدنيا واقفة ودى مش من المصلحة.. خلصوا اشتراطات البناء وأعلنوها للناس والمسار الجديد إزاى هنظم عملية البناء في مصر علشان الدنيا تتحرك، عاوز أقول للناس الاشتراطات.. إن كان عندنا عيب في النظام خله الدنيا كده وأنا بقول كلام مهذب.. كتير من بلدنا بالطريقة دى، لأن النظام اللى كان موجود قبل كده في تنظيم البناء محتاج يتطور".

وأضاف "الثمن اللى بيتدفع ده بيتحمله الشعب المصري كله، يهمنى أقول حاجة واحدة بس، براهن على الناس والمصريين طيب دلوقتي أنا بشكر المصريين".

وقال الرئيس عبد الفتاح السيسي، أنه يراهن على وعي المواطنين فيما تقوم به الدولة، مشيرًا إلى أن حملات التشكيك مستمرة ضد مصر رغم ما تقوم به من إنجازات على كافة المستويات.

وأكد الرئيس عبد الفتاح السيسي على تعطل الكثير من المشروعات وخروجها عن الخدمة نتيجة عدم الاستقرار، قائلاً "مشاريع كتير وقفت فى الدولة بسبب عدم الاستقرار.. وتعرضت للانهيار أو تعرضت لخسائر كبيرة.. واتخصمت من الناتج المحلى من الدولة.. وبقت أصحابها فى مديونية.. ونحاول نحل المسألة دى.. وفرنا 100 مليار جنيه .. من أجل تعويض أصحاب المشروعات". 

وأضاف "مجمع مسطرد الذى سوف يتم افتتاحه اليوم، بدأ العمل فيه وتوقف نتيجة أحداث عام 2011، قائلا: " مجمع زى كده هتعرفوا حجم الفوائد التى تعود على مصر فى مجال البترول، وتوقف لما يقرب من 10 سنين نتيجة عدم الاستقرار.. أرجو أن أنكم تعرفوا ده.. وعلشان تبقوا فاهمين ليه عاوزينكم تتحركوا.. هو مش بيقولك اتحرك علشان تهد بلدك.. لا عاوز تتحرك تقوم تكمل عليها وتهدها.. هى الحكاية كده".

وتابع "الناس محدش يقدر يخدعهم بالكلام.. واحنا ماشيين فى مسار إصلاح.. والناس تتفهم ده وتتحمل التكلفة" متابعا: "بفضل الله الناس بتتكلم عن مصر "بسم الله ما شاء الله".. ورغم اللى بيحصل فى العالم فى ظل توقف حركة السياحة.. وتأثر حركة التجارة الدولية.. ومصر فضلت بخير علشان ربنا.. وبخير علشان شعبها تحمل.. وطول فما فيه استقرار هنفضل نعمل كده".