عاجل.. عملاء يحررون شكاوي ضد توكيل منصور لسيارات الـMG وتحذيرات من التعامل معه

استعرض عدد من العملاء شكواهم ضد توكيل سيارات MG فى مصر توكيل منصور ، بعد تجاربهم ، كما سجلوا شكواهم فى جهاز حماية المستهلك وشكاوى مجلس الوزراء.  

وقال عميل فى عرض مشتكلته مستغيثا بجهاز حماية المستهلك: أنا بكتب البوست ده علشان أوصل صوتي لأي مسؤول في MG أو حماية المستهلك.. عربيتي MG ZS موديل 2025 دخلت مركز الصيانة المعتمد (ماتيك أوتو – الغردقة) بتاريخ 5/4/2026 بسبب عطل خطير في الفتيس (ناقل الحركة).

وتابع: ومن ساعتها العربية بقالها أكتر من 18 يوم في التوكيل بدون: أي تقرير فني واضح، أي موافقة على تغيير الفتيس، أي معاد محدد للإصلاح.

وقال: كل مرة بسأل، الرد الوحيد:مستنيين رد من الشركة في الصين” الكلام ده غير مقبول تمامًا لأن العربية لسه في الضمان وكل الصيانات معمولة في التوكيل (ومثبتة في الكتيب) والعطل حصل في الاستخدام الطبيعي والعربية واقفة ومتعطلة بالكامل ومطالبي الواضحة" تقرير فني رسمي يوضح سبب العطل وتغيير الفتيس فورًا تحت الضمان وتحديد معاد نهائي واضح للإصلاح وتوفير عربية بديلة أو تعويض عن فترة التعطيل".

كما استعرضت عميلة أخرى مشكلتها مع توكيل منصور ، وحررت شكاوى فى جهاز حماية المستهلك ومجلس الوزراء، قائلة :توكيل منصور الاسوء على الإطلاق بجداره مشاكل لا تنتهى و جوده فى الارض.. بعد 3 اسابيع منهاده و شكاوى فى مركز منصور فرع الهرم و العربيه عندهم  و مفيش بديل مش متوفر ،  و مفيش وقت محدد استلم فيه ، و بهدله و قله ادب !!! صلحوا الفتيس  فى يوم و ليله فى مهندس قرر يصلح الفتيس بدل ما يغير الفتيس لان عرييه كسر زيرو  و فيها عيب صناعه و حرام نعيبها علشان مكملتش سنه  معدومين الضمير، السيلكون طالع برا زى ما فى الصور و الفيديو ،العربيه الكسر زيرو بقت معيوبه  كسر زيرو بس الفتيس اتفك و البليه اتصلحت و دى حاجه اى حد يقدر يشوفها بالعين المجرده منغير ما يرفع العربيه حتى  ،اصل اكيد ابقى مختله لو مبعتش العربيه دى لانى فقدت الثقه فى الناس دى .

وتابعت: انا بقى ذنبى ايه  ينزل فى سعرها بسبب عيب صناعه لشركه مش ماشيه على المعايير انا كنت حريصه اشتريها من مكان موثوق زى الطارق صيانات فى اماكن معتمده من التوكيل قبل معادها حتى الكاوتش العظيم لما طلع ليه بالونه غيرتوا فى التوكيل غيرت التيل فى مركز معتمد عامله كل اللى عليا علشان احافظ عليها !!! ده كده بيعرضوا حياتى انا و ولادى للخطر لان فيها مشكله فى صناعه الفتيس.  

وقالت: حسبي الله ونعم الوكيل 3  اسابيع و اخد العربيه معيوبه تمنها نزل فى الارض  و كمان مدير الفرع كان رافض يدينى تقرير بالحصل بد هددتوا انى هجبلوا الشرطه قانونا حقى اخد تقرير و أخذتوا و ده دليل انهم غير محترمين و عارفين انى انى اتأذيت ،العربيه لسه فيها صوت  بس هادى خالص يعنى هما من الاخر بينزلونى من على ودنهم  و مشكله هترجع تانى بالتاكيد و بكل برود  الاستاذ المبجل مدير الفرع اللى شايفن منهاره !!!لما تبوظ تعالى مره تانيه ما هى فى الضمان انا جايبه العربيه جديده علشان نتعطل فى التوكيل كل شويه ما انا فاضيه مش ورايا شغل ولا اطفال عربيه بتفتح بقها وهى لسه مكملتش سنة.

وتابعت: بجد انا والله كل يوم بتفاجئ من المكان ده ازاى بالسوء ده من اقل موظف ل اعلى موظف اللى هيفكر يشترى حاجه توكيلها منصور يبقى هيجيلوا جلطه من حرقه الدم ممكن تفيدونى اقد اعمل ايه لو حد مش هيقدر يقرا دى عربيه اشترتها من شهر مايو سنه 2025 و لسه عامله فيها صيانه ال 20 الف و جابت فتيس و الشركه صلحته بدل ما تغيره بعد 3 اسابيع العربية متبهدله عندهم فى التوكيل و متفككة حتت

واختتمت شكواها قائلة : رقم شكوى حمايه المستهلك لو حد يقدر يساعدنى واضح ان ده الحل 1642506 وشكوى رئاسه مجلس الوزراء 12111086.