أحمد السعدني يعتذر عن استكمال مسلسل "كله بالحب": "الإنتاج ملتزمش معايا دي مهزلة"

عبر الفنان أحمد السعدني عن غضبه الشديد بسبب ما حدث معه في مسلسله الرمضاني الجديد "كله بالحب"، الذي يلعب فيه دور البطولة بالتعاون الفنانة زينة.

وقال أحمد السعدني إن بوستر المسلسل لم يصدر من شركة الإنتاج ولكن صممته إحدى ممثلات العمل دون أن يذكر اسمها، مؤكدًا أنه يواصل تصوير المسلسل لمدة 24 ساعة متواصلة.

وكتب "السعدني" عبر حسابه الرسمي بموقع التواصل الاجتماعي "فيس بوك": "بسم الله الرحمن الرحيم.. الحقيقة أنا عمري ما عملت مشكلة في شغلي وعمري ما اختلفت مع زمايلي، إنما أنا اللي بيحصل معايا في المسلسل اللي شغال فيه 24 ساعة، مبروحش بيتنا عشان يلحق العرض والواحد ساكت وبيعدي بلاوي عشان الزنقة والظروف".

وتابع : "أنا متربي في ستوديوهات كِبرنا أنا واللي زيي اللي كان بيتقال عليهم أبناء الفنانين كأنها شتيمة علي احترام مهنتنا مواعيدنا و مذاكرتنا و تحضيرنا للشغل احترامنا للكلمه قبل العقد للاسف شركة الانتاج ملتزمتش معايا باتفاقهم اللي علي اساسه وافقت اشتغل و كان شرط اساسي لقبولي الشغل معاهم".

وأضاف: "الحقيقه اول مره اشوف تصميم دعايه عمل فني من افيشات و برومو بتعمله زميله في العمل طول عمري كنت فاكرها من اختصاص شركة الانتاج الحقيقه انا ضهري في الحيط اكمل و اقبل بالعبث ده عشان باقي الزملا الفنانين و الفنيين المشاركين في العمل اللي ملهمش ذنب والا اقعد في بيتنا و اكتفي باللي صورته واطلب من النقابه تجيبلي حقوقي المادية و في كل الاحوال انا بعتذر لاي شخص بيحبني عن تواجدي في هذا العمل لان الحقيقة اللي بيحصل ده مهزلة".