شقيقة ضحية القاضي المتهم بقتل زوجته لـ"مصر تايمز": حاول كتير وكان بيتوسل علشان يرجعها
قال شقيق ضحية القاضي، المتهم بقتل طليقته بأكتوبر، في تصريحات خاصة لـ"مصر تايمز": "شقيقتي كانت تقريبًا عايشة معانا، لوجود المتهم معظم الوقت خارج المنزل، إضافة إلى وجود شقيقه داخل المنزل، لدرجة أنني توجهت إلى سكن الزوجية وحدثت بيننا مشادة حتى خرج شقيقه من منزل الزوجية، لأن ده مرفوض تمامًا أخلاقيًا ودينيًا، وكان أصدقاؤه يتواجدون بالمنزل عادي جدًا، وبعدها حدث خلع وطبعًا الخلع كان شيء جنوني بالنسبة له، ورجع يعيط لنا ويقول أنا تبت، وافقنا لكن طلع بيمثل علينا، وحدثت مشاجرات ومشاحنات، وترجع لنا في الفجر.
وتابع شقيق الضحية: كان متزوجها زواج صالونات وحدثت بينهم 3 طلقات، إضافة إلى أنه لديه حب امتلاك الشيء بصورة غير طبيعية، كان دائمًا يقول أنا آخذ أولادي بأمهم وكان بيتعدى عليها، وفيه محاضر محررة بكده.
وأضاف: “في عام 2023 كان عايز يرجعلها وطلع تصريح دفن أبويا علشان يرجعلها، طبعًا لو واحدة سيئة السمعة زي ما بيدعي كان عايز يرجعلها ليه”.
وأوضح: "جه في يوم عايز يخرج الأولاد وفجأة جالي اتصال "الحق ده بيرمي الأولاد في النيل"، عرضت عليها تعمل محضر وهي رفضت وقالت ده أبو أولادي حرام، وبعدها راح عند سيارتها لسرقتها وكان فيه شاهد وكاميرات أثبتت الواقعة، ولما هي الله يرحمها عرفت إنه هيتأذي رفضت تكمل المحضر وتنازلت عنه".
وتابع: أنا هطلق مراتي الثانية وأرجعلك، وده يكد حب الامتلاك والنرجسية اللي عنده، وبعد كده هي تزوجت، والراجل اللي كان بيقول عليه تاجر مخدرات في قمة الأدب والاحترام وبيحب أولادها جدًا لحد اليوم بيطمن عليهم يوميًا".
وتابع: “هل فيه راجل يستحمل واحدة متزوجة عرفي على ذمته ويسكت، وفي يوم أخذ الأولاد، وكلم بنته في موضوع الجنس، والبنت جات تعيط، وعملنا معاه مشكلة وانتهى الموضوع، واللي عرفته إنه عمل حوار في الإسكندرية علشان يعمل حادثة بالعيال في شجرة”.
وانهى تصريحاته: “وقت الحادثة فوجئت شقيقتي به في شارع سياحي وهي برفقة زوجها، ضرب طلقة في الهواء وجاء من ظهرها وضربها 3 طلقات، والأهالي اتلموا عليه، وضربوه وسلموه للشرطة”.
