عمرو أديب منفعلا على محمد رمضان: "بلاش غرور واللي أداك الفلوس قادر يسحبها منك في ثانية"
السبت 10/أبريل/2021 - 12:15 م
علق الإعلامي عمرو أديب، على الفيديوهات الأخيرة للفنان محمد رمضان، التي نشرها وظهر فيها يلقي بأموال في حمام السباحة، عقب صدور حكم بإلزامه دفع 6 ملايين جنيه للطيار الطيار أشرف أبو اليسر، على خلفية تسببه في أزمة أدت لوقفه عن العمل عام 2019.
وأعرب عمرو أديب عن غضبه من تصرف محمد رمضان والفيديو الذي نشره مؤكدا أنه يستفز جمهوره والشعب المصري، قائلا: "كان في قضية بين الفنان محمد مضان والطيار أبو اليسر، الطيار كان رافع قضية عايز تعويض، المحكمة حكمتله بـ6 مليون جنيه، وما كان من نمبر وان الأستاذ محمد رمضان غير أنه نشر فيديو مستفز جدا لشعب مصر".
وتابع "أديب": " قاعد في البيسين بيرمي فلوس أو دولارات في المايه، طبعا الدولارات حقيقية أو غير حقيقية دا مش موضوعنا، لكن شيء مستفز، هو بيقولنا إيه الفلوس دي على الجزمة، أن النعمة دي متفرقش معاه أنا الفلوس عندي متفرقش في حاجة".
وأردف: "يا نمبر وان أنت مش ملاحظ أن بقالك سنة بتعمل مصايب، بقالك سنة بتطلع من حدوتة لحدوتة والناس اللي أنت استفزتها دي بتبلعلك أي حاجة ويقولوا ميقصدش، المرة دي الناس مش مستحمله أنت في بلد ظروفها صعبة".
وأضاف: "أنت ربنا باركلك وبقى عندك فلوس، على فكرة مش أنت بس يا محمد اللي عندك فلوس في ناس عندها ومبيعملوش كده، واللي أدهالك قادر يسحبها منك في ثانية، قبضة واحدة في مرة فجأة كل دا يضيع ويروح، ليه استفزاز الناس".
واختتم كلامه: "الناس اللي أنت استفزتهم دول هما اللي عملوك وأنت جزء كبير منك صناعة سوشيال ميديا، وإيه المانع أنك تعتذر للناس وتقولهم مقصدش، يا ابني أهدى وأرجع لعقلك وبلاش غرور ناس كتير أعظم منك وضاعوا في ثواني".
