حنان سليمان تحسم الجدل بشأن ديانتها: "أنا مسلمة"
الإثنين 12/أبريل/2021 - 03:15 م
كشفت الفنانة حنان سليمان، عن ديانتها الحقيقية، بعد إثارتها للجدل، بعد تهنئتها بمناسبة حلول شهر رمضان الكريم، عبر حسابها الرسمي بموقع التواصل الاجتماعي "فيس بوك".
قال لها أحد المتابعين في التعليقات: "أنا بعشقك كفنانة وأول مرة أعرف أنك مسيحية، عموما عشقتك أكتر كإنسانة جميلة وكل عام وأنتي بخير وسعادة وتحيا مصر 10 مرات"، لترد حنان سليمان: "أنا مسلمة".
وكتبت حنان سليمان في منشورها الذي أثار تساؤلات الجمهور : "أيوة أنا المسيحية اللي مستنية رمضان بفارغ الصبر.. أيوة أنا المسيحية اللى مستنية الزينة بتاعة رمضان.. أيوة أنا المسيحية اللى مستية الناس يتجمعوا علشان يفطروا.. أيوة أنا المسيحية اللى مستنية المسلسلات بتاعت رمضان.. أيوة أنا المسيحية اللى بيفضل ولادها يسالوها رمضان امتى".
وتابعت: " أيوة أنا المسيحية اللى شايفة أن مفيش حاجة اسمها مسيحى و مسلم غير كعبادة.. أيوة أنا المسيحية اللى بتعشق صحابها المسلمين..أيوة أنا المسيحية اللى شايفة إن مفيش حاجة تنفع تفرق بنا.. أيوة أنا المسيحية اللي ديني بيقولى كده ﻷن الله محبة.. كل سنة وإحنا طيبين وبخير وصحة وسعادة ورمضان كريم علينا كلنا إعادة الله علينا وعلى مصرنا الحبيبة بالخير واليمن واالبركة".
