"اللى يخون بلده والبدلة يهون عليه أهله".. رسالة هامة في الحلقة 21 من الاختيار2
الإثنين 03/مايو/2021 - 10:42 م
"اللى يخون بلده والبدلة يهون عليه أهله".. رسالة هامة حملها لقاء اللواء "مراد" الذي يجسد شخصيته الفنان ماجد الكدواني والضابط "زكريا يونس" الذي يجسد دوره الفنان كريم عبد العزيز داخل قطاع الأمن الوطني للجميع تعقيبا على انضمام الضباط المنشقون إلى تنظيم بيت المقدس الإرهابي الذي ينفذ عمليات إرهابية ضد ضباط الجيش والشرطة.
في الحلقة 21 من الاختيار2 داعب اللواء "مراد" الضابط "زكريا" قائلا: "تعالى المكتب نشرب قهوة وابقى هات بن من بتاع جاد بلاش من بتاعك، ولا أقولك مش فارقة الاثنين واحد".
ويؤكد اللواء مراد لـ زكريا: "المشكلة إن العيال دى بخيانتهم مأذوش نفسهم بس، تخيل إيه إحساس أهاليهم إيه، كان ولادهم ضباط وفرحنين بيهم دلوقتى بقوا خونة وهربانين"، ليرد زكريا: "اللى يخون بلده والبدلة اللى لابسها يهون عليه أهله".
ويؤكد زكريا، أنه يتم متابعة تليفونات الضباط المنشقين، ودعا اللواء مراد إلى وضعهم تحت ضغط أكبر، مضيفا: "عايزهم يخافوا يمشوا فى الشارع لما يخافوا هايغلطوا ولما يغلطوا هانعرف نجيبهم".
ويجرى اللواء "مراد"، الذى يقوم بدوره الفنان ماجد الكدوانى، تحقيقا صعبًا مع "كريم"، أحد الضباط، ويخبره كريم أنه أحد الضباط الملتزمين ويركز فى عمله والضباط الذين يتحدثون عنهم يلتقى بهم فى المسجد، مضيفًا: "اعتبرنى زى ابنك"، ليرد اللواء "مراد": "أنت مش ابنى ولا يشرفنى أكون أبوك، أنت مستوعب إنت فين هنا، لو مستوعب تبقى متأكد وعارف إن اللى بيدخل الأوضة دى وبيقعد على الكرسى ده مينفعش يكدب، وعندنا قاعدة بتقول إن الضابط اللى بيحقق معاك لما بيمشى اللى بيجى بعده بيبقى أصعب منه أكتر، أنا بقى آخر واحد خالص، صدقنى الكدب مش هايوديك فى حتة، هتبقى زى اللى بيضرب دماغه فى الحيط".
ليسأله اللواء مراد: "أنت هنا ليه يا كريم"، ليرد كريم: "معرفش"، ويرد عليه اللواء مراد: "شاطر دى أول حاجة متكدبش فيها، لأنك فعلا متعرفش لأنك جاهل جهل مركب، أنا لسه بتعامل معاك كإنك ضابط ومش عايز أتعامل معاك كأنك عنصر".
ويسأله اللواء مراد، عن الرائد حسن الكردى والعميد شكرى رياض وملازم أول أحمد وحيد، ليؤكد له كريم، أنه لا يعرفهم، ويرد اللواء مراد: "أنا عارف إنك متعرفهمش، الـ3 ضباط دول كانوا من ضمن 118 شهيدا ومصابا فى أحداث أسيوط فى 8 أكتوبر عام 1981، استشهدوا أثناء الدفاع عن مكان خدمتهم وشرف البدلة، وكتير منهم كانوا دفعتى، أنا حافظ أسمائهم، كنا بنروح شغلنا ومتأكدين إننا ممكن منرجعش بيوتنا تانى، عمرنا ما خوفنا ولا خونا القسم ولا البدلة، عشان كده إنك متعرفهمش، لكن تعرف اللى موتهم، الدكتور بتاعك كان واحد منهم، هو مقالكش ولا إيه، هو معقول يقولك كل حاجة".
ليعرض اللواء مراد، مجموعة صور للضابط كريم، ويرد قائلا: "استوعبت إنت هنا ليه، يا ريت الدكتور بتاعك كان سابك من العيون اللى بتسهر تحرص أهلها وبلدها، فيه ضابط هايدخل عليك مستنيك تقوله على كل حاجة عشان إنت مش هاتشوفنى تانى".
وظهر خلال الحلقة عدد من ضباط العمليات الخاصة بقطاع الأمن المركزي في الذين انضموا للجماعات الإرهابية في سيناء.
