حورية فرغلي ردا على أمينة خليل: "مش بتبلى عليها دي حاجة تشرفني"
الإثنين 24/مايو/2021 - 12:24 م
ردت الفنانة حورية فرغلي، على تصريحات النجمة أمينة خلال بأن ليس هناك أي صلة قرابه تجمعهما، قائلة: "أنا مقلتش إنها بنت خالتي، أنا عارفة إنها قريبتي وقريبتي من بعيد، والعلاقة مش قريبة قوي لأن أنا كنت طول عمري عايشة بره، بس فرحت قوي إن في حد في الوسط الفني معايا، وكنت أتمنى أنا وهي نبقى قريبين من بعض، بس للأسف إحنا مش قريبين من بعض، وحاولت بس هي مش عايزة."
وأضافت في مداخلة هاتفية مع الإعلامي سيد علي في برنامج "حضرة المواطن" على قناة الحدث اليوم: "فكل واحد في حاله، بس في الآخر أنا مقدرش أنكر إن أنا أمي قريبة جدتها، دي حاجة معروفة والعيلة كلها عارفاها أنا مش بتبلّى عليها ولا بتمسّح فيها ولا أي حاجة خالص. بالعكس دي حاجة تشرفني."
وردت الفنانة أمينة خليل على مزاعم حورية فرغلي في بيان لها جاء فيه أن العناوين المتداولة عن هذا الموضوع غير دقيقة، وهما ليستا بنتي خالة، ولكن هناك علاقة عائلية بعيدة تربط جدتها ووالدة حورية فرغلي، وأكدت أنه لا يوجد أي تواصل بينهما قبل دخول الفن أو بعده.
