الرئيس السيسى: مشروع تصنيع مشتقات البلازما فى مصر "حلم يتحقق"
الأربعاء 30/يونيو/2021 - 10:19 ص
قال الرئيس عبدالفتاح السيسي، اليوم الأربعاء، إن المشروع القومى لتصنيع مشتقات البلازما في مصر كان حلما وبدأ يتحقق على أرض الواقع، متابعاً "مشتقات البلازما مشروع مهم وقوى وهيبقى ليه أثار طبية على الدولة".
وأضاف: "الموضوع ده مهم ولازم يجى وتفهموه بشكل جيد، عشان فيه ناس بتتكلم بشكل غير صحيح، بحسن نية، وفيه ناس بسوء نية، هذا الموضوع لو فهمناه صح هيبقى فيه فرصة كبيرة جدًا، فيه دول كتير مقدرتش تدخله، زى مثلاً سمعتنا فى فيروس سى، وده خلاص، بقينا دولة خالية من فيروس سى، بشهادة منظمة الصحة العالمية".
وتابع الرئيس السيسي: "مش هنسى أبدًا أوجه الشكر والحمد لله، على دعمه وكرمه ونصره وعطفه وكرمه ورحمته بينا، إحنا ماشيين بكرم الله، ولى الشرف إنى أقول كده، ويارب ما يحرمنى من شرف رحمته، فلك الحمد يا رب حتى ترضى".
وأعلن الرئيس عبد الفتاح السيسي أن الدولة ستتحمل تكلفة علاج مرض الضمور العضلي للأطفال حديثي الولادة والتي تبلغ 3 ملايين دولار لكل طفل، مضيفاً، "ممكن يبقا فيه علاج والدولة تتحمل ده، وبطالب كل من له قلب ومنظمات المجتمع المدني، عملنا اتفاق والأمور ماشية والأطفال اللى ممكن يتم علاجهم، لكن الأفضل العلاج حتى سنة من ميلاد الطفل لأن بعد كده الأمور بتتصعب، اختبار وفحص ما بعد الولادة زى ما عملنا في السمع والقوقعة للحصول على أفضل نتيجة".
وطالب الرئيس السيسي ، منظمات المجتمع المدني بالمشاركة والمساهمة في هذا المشروع من خلال صندوق حياة كريمة ، لافتا إلى أن تكلفة علاج الطفل الواحد تبلغ 3 ملايين دولار وإذا تم علاج عشرة أطفال ستكون التكلفة 450 مليون جنيه مصري.
