"داسته كأنه نملة".. فتاة تصدم طالب بسيارتها وتفر هاربة بالقاهرة (فيديو وصور)

ونشرت إحدى اقارب الشاب وتدعى "أسماء" تفاصيل الواقعة قائلة: "ده أحمد، شهرته "بوتا"، طالب 19 سنة، خارج من شغله يوم الأحد 27 يونيو من دار المدرعات الساعة 11 بليل، جت "مارينا" داست عليه، دمرته زى ما أنتوا شايفين كد، داست عليه بكل جحود حسبى الله ونعم الوكيل". 

وأضافت: "كانت عاوزه تجرى وترميه بس صحابه فى الشغل وقفوها وصوروا العربية ونقلوه المستشفى وقعد ينزف كتير لحد ما وصل الهيموجلوبين فى الدم 5.. شاب خارج من شغله بيدرس وبيشتغل فى نفس الوقت، ربنا ياخدها، وماشية على أقصى سرعة فى طريق صلاح سالم.. سايقة عربية أبوها وفى الغالب معهاش رخصة، ربنا ياخد أى حد أبوه يجبله عربية ويمشى يدوس على خلق الله كسرت عضمه".

وأتمت: "أحمد عنده 4 كسور فى رجله وكسر مفتوح وشرخ فى الحوض ودم على الرئة غير الجروح والخياطة والجلطات فى كل جسمه ووشه، حسبى الله ونعمه الوكيل فيها، ربنا يردلها كل  حاجه عملتها فيها

وحتى رفضت تدفع فى المستشفى فلوس العمليات واختفت ومحدش يعرف حاجه عنها". 

"داست عليه ومش هاممها حاجه قاعده فى العربية وبتضحك ولا كأنها داست نملة ومشيت ومحدش سأل فيه ولا عبرة ولا فارق معاهم حاجة مش عاوزين نسبها ولا نسيب اللى زيها".