بعد اتهامها بـ"فبركة" مداخلة السحر.. دعاء فاروق ترد على جمهورها

علقت الإعلامية دعاء فاروق على اتهام جمهورها بفبركة المداخلة التى أثارت جدلاً كبيراً خلال برنامجها، لمتصلة تحدثت عن قيامها بسحر للتفرقة بين زوجين، بجانب إقامتها علاقات هاتفية مع رجال آخرين بعد زواجها من الرجل الذي قامت بالسحر له.

وكتبت دعاء عبر حسابها الرسمى بموقع "إنستجرام":"لم أكن اتخيل كل ردود الأفعال اللي جت علي الحلقة إياها بتاعت السحر للست إياها.. منهم من قال وهو واثق قوى إننا مفبركين المكالمة.. وهو الشيء الذى لم يحدث وربنا عالم ويحاسبني علي مدى صدقي من عدمه.. ثم أنا خيالي مهما كان واسع ومؤلفة جبارة مش هعرف اعمل السيناريو الجبار المذهل ده.. كنت اطلعها ندمانة طيب عشان يبقي الموضوع دراماتيكي مؤثر، ده قلب موجة كوميدي والناس ضحكت عليه وعملوا نكت وافيهات اكتر من العظة اللي المفروض ياخدوها".

تابعت: "أما بخصوص الريأكشنات.. فأنا مش قادرة أفهم هي كان فيها ايه عشان يحصل كم ردود الأفعال الرهيب حواليها بالشكل ده، لدرجة إن الناس فرغوها وعملوها ستيكرز وايموجيز وصحيت لقيت كل الناس باعتينهالي، مشكرين علي كل هذا الاهتمام بالحلقة اللي تعدت السبع ملايين مشاهدة في أقل من يومين، الغريب هو كمية القصص الحقيقية من ناس أعرفهم شخصيا اللي اتعملهم سحر وبعتوا حكوا لي وقائع عجب العجاب، شكلنا هنكمل الملف ده لان فيه مصايب كتير ". 

وأنهت كلامها :"أخيرا.. نداء لأم محمد يا رب تتوبي بجد.. لأن لو موصلكيش بعد كل ده إنك عاملة مصيبة سودا ولازم تندمي ندم عمرك يبقي الناس عندهم حق يشنوا عليكي وعلي اللي زيك كل الهجوم ده".