"كأنك جمعت الجنة والنار".. تعليق ناري من أحمد سعد على منتقدي صورته مع الداعية مصطفى حسني

نشر الفنان أحمد سعد، صورة مع الداعية مصطفى حسني، عبر حسابه الرسمي بموقع التواصل الاجتماعي "انستجرام"، موضحا رأيه في الانتقادات التي وجهت له من قبل الجمهور بسبب ظهوره بجانب مصطفى حسني.

وكتب أحمد سعد على الصورة، "الجمعة اللي فاتت قابلت الشيخ مصطفى حسني بعد صلاة الجمعة واتصورنا مع بعض ونزلت الصورة ، حكم الناس وتعليقاتهم كان هجومي جدا وكأن الجنه والنار اجتمعوا مع بعض في صورة واحدة".

وتابع: "قد ايه فرحني الشيخ مصطفى حسني لما قابلته الجمعة دي كمان وسألته اوعى تكون التعليقات ضايقتك ولو حابب اشيلها ، قالي ازاي بتقول كده ! انت صحبي وحبيبي ويلا ناخد صورة كمان".

وأضاف: "بيفرق اوي ان يكون في ايدك تكتب تعليق يجرح و يضايق حد وانك يكون في ايدك كلمه حلوة تفرح بيها حد حتى لو مختلف عنك".

واختتم حديثه موجها الشكر للداعية: "شكراً يا شيخ مصطفى حسني على انفتاحك وتقبلك للآخرين زي ماهم وده دليل كبير اوي انك حقيقي وان المواعظ والمحبه اللي بتتكلم عنهم في خطبك حقيقي مش كلام بس ، وياريت كلنا نتعلم نتقبل الآخرين او على الأقل مانجرحش فيهم لمجرد اختلافنا عنهم وان علاقتنا بربنا شيء خاص جداً".