والدة عمر عصر: كان بيحلم بميدالية يفرح بيها بلده من عمر 15 سنة.. والمصريين كلهم بيدعوله
الثلاثاء 27/يوليو/2021 - 10:20 م
كشفت أمل محمدي، والدة لاعب التنس عمر عصر، الذي حسم مباراة الدور الـ16 من منافسات تنس الطاولة في دورة الألعاب الأولمبية في طوكيو 2020 لصالحه أنها سعيدة للغاية بالنتيجة التي حققها نجلها .
وأضافت في مداخلة هاتفية خلال برنامج "كلمة أخيرة" الذي تقدمه الإعلامية لميس الحديدي على شاشة "ON": "مهما قلت مش هعرف أوصف أنا كنت بدعي ربنا طول الوقت أنه يفرح لانه كان من وعمره 15 سنة بيتمنى يجيب ميدالية يفرح بلده بيها كان ده حلمه وربنا يحققله حلمه.. بقول يارب إكرمه كمان وكمان عشان يفرح مصر لان مصر بلد عظيمة وتستحق تفرح " .
وحول لقاءه في الغد المزمع مع الصيني "ما لونج" في الدور ربع النهائي قالت: "يارب يسهل أموره ويجعل كل صعب قدامه سهل يارب وكل حبايبنا بيدعوله حتى المصريين اللى مش متابعين غير كرة القدم لما سمعوا عن عمر أو لاعب أخر في الألعاب الفردية دعولهم وفرحانين وبيتمنوا النجاح ليهم" .
كان عمر عصر لاعب تنس الطاولة، قد حسم مباراة الدور الـ16 من منافسات تنس الطاولة في دورة الألعاب الأولمبية في طوكيو 2020 لصالحه.
وتمكن "عصر" من عبور منافسه التايواني القوي يوان تشونج في مباراة الدور الـ16.
ومن المقرر أن يواجه عصر العملاق الصيني ما لونج في الدور ربع النهائي والذي يعقد غدًا في تمام الساعة الواحدة ظهرًا بتوقيت القاهرة .
