رامى رضوان يكشف الحالة الصحية لدلال عبد العزيز بعد شائعة وفاتها

كشف الإعلامي رامي رضوان، عن الوضع الصحى للفنانة دلال عبد العزيز، قائلا: الوضع صعب ومش سهل.. ومقدرش أقول في تحسن.. كل شوية يظهر مفاجأة.. الموضوع شديد الصعوبة" .

وتابع: "اتصلت بيا شقيقة النجمة دلال عبد العزيز التي تعيش في الإسكندرية، وصوتها به كم من الخضة والعياط مكتوم، كم رهيب من المكالمات، كل هذا قبل نفي الخبر، وأنا سارعت بالكتابة عشان الناس تطمئن".

وأردف: "دنيا كانت مرتاحة، تخيلوا لما تصحى تلاقي الكم ده من الرسائل، ضيفوا ده على الأسرة، عايشين في معاناة 3 شهور، ومش عارفين الساعة اللي جاية فيها إيه".

ووجه نداء للصحفيين قائلا: "أرجو من السادة الصحفيين عدم نشر أي خبر مثل هذا قبل التحقق، مش لازم نزود الجرح بجرح أخر".

وانتهى قائلًا: "أنا لا أستغل البرنامج إني اتكلم على أمور أسرية، لو انا مش بتكلم برامج ثانية بتتكلم، لأنها نجمة كبيرة، ونحن ما زلنا بنطلب الدعاء أن ربنا يكرمنا بالشفاء".