"خلع ملابسه أمامه".. شيف يتحرش بطفل 3 سنوات داخل حمام نادى شهير
الجمعة 13/أغسطس/2021 - 06:13 م
تداول رواد موقع التواصل الإجتماعى "فيس بوك"، منشور يتضمن تعرض طفل يبلغ من العمر 3 سنوات للتحرش على يد "شيف" يعمل بإحدى المطاعم، داخل أحد الأندية الشهيرة بمنطقة التجمع الأول ، وبعد أن روى الطفل لوالدته ماحدث به أسرعت بتحرير محضر ضد هذا الشخص بقسم شرطة التجمع الأول .
وقالت الأم: "ابنى كان عنده تدريب سباحة وبعد الانتهاء اختفى قليلًا اثناء جلوسى بالنادى وعند البحث عنه وجدته خارج من دورة المياة بجانب المطعم وملابسة مش مضبوطة وخلفة عامل طالع وراه ..سألت الطفل حكى ان الراجل قام بخلع الملابس والتعامل مع الطفل وعند مواجهة العامل الذى تعدى على ابنى قام شقيقة بالتعدي علينا وجايب آلة حادة عاوز يضربنى بيها".
وتابعت: " والمتحرش جايب مصلية صلاة وبيقول كنت بتوضىء علشان كنت بصلى ..أنا فورًا اتصلت بالمباحث وحضرت فورا واتعمل محضر وكذلك إدارة النادى اللى تعاملت بشكل قوى جدًا مع المطعم وانا روحت النيابة وابنى اتعرف على المتحرش ووصف اللى عملة وقامت إدارة النادى بغلق المطعم وأنا عاوزة اقول لكل الامهات متسبوش أولادكم وتطمنوا عليهم لازم يكون عينيكم عليهم وان شاء الله المتحرش واخوة ياخذ جزاءة بالقانون والحمد لله النيابة حبستوا 4أيام".
وذكرت شاهده للواقعة تدعى "مايا حسنى" قائلة: " انا كنت موجوده فعلًا يوم الواقعه وفعلا الله يكون في عون الام اتلموا عليها وعلى والدتها معظم العاملين في الكافتيريا وبيقنعوها انها غلطانة وأنه كان بيتوضأ علشان يصلي واستشهدوا بوجود كابتن كان في الحمام وسبحان الله له أخ تؤام نفس الشكل بالظبط .. والولد اتعرف عليه هو وحكى تفاصيل الله يكون في عونها ويارب ياخد جزاؤه ويتشنق مش حبس بس انا من يومها مادخلتيش النادي ومرعوبه علي ولادي خصوصًا اني بقعد في الكافيتريا دي بالذات علشان بنتي بتدرب تنس ربنا ينتقم منه هو واللي زيه ".
