محمد هنيدي عن الثانوية العامة: "ماتخليش حد يحطلك مقياس للنجاح"

وكتب هنيدي عبر حسابه الرسمي بموقع التواصل الاجتماعي "فيس بوك"، قائلا: "نتكلم جد .. ماتخليش حد يحطلك مقياس للنجاح في حياتك .. النجاح ممكن يكون بمجموع كبير في كلية وممكن تعمله من غير المجموع ده برده".

وتابع: " النجاح مش بالفلوس .. ولا بصور انستجرام اللي ظاهر فيها انك سعيد وبتصيف كل اسبوع في مكان شكل .. ولا انك عندك فولورز او قناة يوتيوب كبيرة .. النجاح ملهوش مقياس لكل الناس .. انت ممكن تكون شغال شغلة بسيطة بس سعيد وراضي وناجح فيها .. فكرة ان ناس حصرت النجاح في اشكال معينة وانك تقتنع بإن ده هو النجاح .. ده اللي هيخيلك عمرك  ما هتبقى سعيد".

أضاف: "النجاح هو انك تحقق اللي انت عايزه حسب قدراتك وعقلك ودماغك .. مش انك تحقق اللي الناس عايزاه وشايفاه نجاح النجاح انك توصل لسعادة ورضا سواء انت بقى ملياردير او اللي جاي على قد اللي رايح

اوعى تحصر فكرة النجاح والسعادة في الفلوس أو في الشهرة ولايكات فيسبوك وانستجرام ومشاهدات يوتيوب

لإنك كدة عمرك ما هتبقى سعيد".