"معايا 5 كيلو دهب تعالي نقسمه".. محامي يتعرض للنصب من إحدي المواطنين
الأحد 12/سبتمبر/2021 - 06:01 م
تداول رواد موقع التواصل الاجتماعي "فيس بوك" منشور يتضمن تعرض محامي يدعي "جاسم المصري" لواقعة نصب من خلال مكالمه هاتفية من شخص "جمعة.ع.س" حيث قام باستدراجه مدعيا ان لديه ذهب حصل عليه خلال حفره وتنقيبه عن الاثار .
وقال "جاسم": احذروا النصابين ..أتصل بيا واحد اسمه ظاهر علي التروكولر "جمعة"..رديت عليه قالي أزيك يا أستاذ جاسم و قال إنه عنده أخ أسمه جمال متوفي من كام سنة و جمال ده كان صاحبي ".
وتابع: "قولتله أنا معرفش حد اسمه جمال ولافاكر حد اسمه جمال بس ما علينا اتفضل خير فيه ايه قالي صلي علي النبي و زيد النبي صلاة و نقرا الفاتحة ..طيب عايز ايه يا جمعة.. قالي انه كان بيحفر في الأرض ف لقي فخار مكسور و بعدها لقي زلعة فخار مقفولة فتحها لقي فيها دهب بتاع 5 كيلو ذهب ".
وأضاف: "وقالي أنها عبارة عن قطع صغيرة جدا في حجم ظافر اليد وزن القطعة 2 جرام و مرسوم عليها رسمة كيلوباترا تقريبا ان الذهب فرعوني.
واستكمل:" قولتله طب أنا المطلوب مني ايه يا حاج جمعة قالي تيجي لي في الهرم قرية المنصورية ( نغمس سوا).. وانت ليك الثلث وانا ليا الثلث و الثلث الباقي لله .. وتاخذ قطعة واحدة تروح بيها عند اي صايغ يقولك هياخد فيها كام و نودي له باقي الذهب ..قولتله ابعت اي صورة علي الموبايل قالي تلفوني بزراير و كان مصمم اني لازم اروح ".
