"بيسممهم".. "جزمجى" يخطف القطط ويعذبهم فى الإسكندرية
الأربعاء 15/سبتمبر/2021 - 11:00 ص
تداول رواد موقع التواصل الاجتماعى "فيس بوك"، منشور يتضمن قيام "جزمجى" باختطاف القطط من الشوارع والبيوت وتقديم لهم طعام مسمم لقتلهم والتسول بهم.
وقالت "إيمان الشال": " أنا أسفة إني هبوظ عليكوا فرحتكوا بالراجل اللي بيلمع الجزم اللي عامل وليمة للقطط وكل الناس شيروا صورته..أنا برضه كنت فرحانة بواحد قبل كدة بيقعد عند قصر الصباح وجيدا كانت بتروحله توديله اكل وفلوس ولما أنا كتبت عنه ناس كتير طلعوا عارفين ان دة بلطجي وبيخطف الكاتس وبيضربهم على دماغهم عشان يبقوا مدروخين وميتحركوش من جنبه و ناس من محبي الحيوانات راحوا خدوا منه الكاتس تاني يوم كان جايب غيرهم وغيرهم".
وأضافت: " فضلوا الناس يعملولي منشن على اي بوست يجيب سيرته ولا كأنه جوز خالتي عقابًا ليا اني ظنيت فيه انه كويس.. وبعدها ناس من البيوت اللي في وشه أكدوا الكلام دة وكان وقتها نقل من المكان دة وطبعا الكاتس بيموتوا و بيجيب غيرهم عشان دي طريقة للتسول ..تعالوا ندقق في الصورة كدة و نسأل نفسنا هما القطط قدامهم اكل كتير اوي مش بياكلوا ليه ؟ و متكومين على جنب ..الرصيف الصغير دة في شارع زحمة زي دة هييجوا منين كل الكاتس دول ؟".
واستكملت: " فرضنا أن القطط جم واكلوا و شبعوا تكويمتهم على بعض ونومتهم مش بيبقى شكلها كدة ؟.. حاسة ان وشهم متوتر والاكل محطوط بطريقة استعراضية ولو اي حد حتى لو مقتدر بيأكل قطط في الشارع مش بيحط كل دة و لو فرضنا ان حد اداله اللانشون و البيض و الدراي و هيبوظوا من الحر طب بيفتح مثلثات الجبنة كلها ليه ؟".
