أسما تشكر زوجة أبيها شريف منير : الست دي من اطيب و اجمل و اجدع الستات في الدنيا
الخميس 22/أكتوبر/2020 - 03:00 م
شكرت الإعلامية أسما شريف منير فى زوجة أبيها "لورا"، ونشرت صورة لدعم مرات الأب، عبر حسابها الشخصي على موقع التواصل الاجتماعي "إنستجرام" لتبادل الصور والفيديوهات.
وقالت أسما شريف :" الست الجميلة اللي في الصورة دي هي (لورا) مرات ابويا!، ايه ده هو في مرات أب حلوة كده اومال فين الحوافر و العيون الشريرة، مش مرات اب؟ يبقي اكيد لازم تكون شريرة و بتعذب الولاد و بتشغلنا في البيت هههه، ده اللي المجتمع و الافلام ديماً بيصدروا بس الحقيقة إن الست دي من اطيب و اجمل و اجدع الستات اللي في الدنيا، عمرنا ما اتخنقنا يمكن اختلفنا مرة بس عمرها ما اتعدت علي حقوقنا و لا التزمات ابويا لينا " .
وتابعت قائلة :"ام اخواتي او بناتي عشان هما صغنانين، هي عيلتي و حبيبتي، لما بزعل مع ابويا بتقف جنبي حتي لو هيتخانق معاها، انا و هي اصلاً شخصيتنا قريبة من بعض بتفهمني و بتحس بيا، انا عمري ما اتكلمت عنها عشان هي بعدت عن الأضواء من زمان، بس حسيت اني لازم اقولها اني بحبها و بحترمها و اديها حقها، و عشان اقول لإي ست لو انتي مرات أب لأولاد لازم تتقي ربنا فيهم و صاحبيهم و حبيهم كأنهم ولادك و ربنا هيجازيكي كل خير و جوزك هيشيلك فوق راسه" .
وختمت قائلة :"بحبك يا لولو اوي و ربنا يخلينا لبعض كلنا ديماً و شكراً علي كل حاجه حلوه عملتيهالي، اه و بالناسبة هي بتعمل افكار حلوه اوي علي الإنستاجرام تبعوها" .
