السيسي: "طول ما أنا موجود في مكاني هتتشال كل حاجة غلط فيكي يا مصر"

أكد الرئيس عبد الفتاح السيسي ، أن الدولة لن تقبل السكوت على أية تعديات ضد الأراضي الزراعية أو الترع أو الجسور وأن أجهزة الدولة وعلى رأسها وزارة الداخلية والمحافظات والجيش إن تطلب الأمر ذلك ستنتهي من إزالة كافة التعديات التي تمت خلال الثلاثين عاما الماضية في موعد أقصاه ستة شهور .

وأضاف الرئيس السيسي، خلال كلمته في افتتاح محطة معالجة مياه بحر البقر اليوم الإثنين، موجها كلامه لوزير الموارد المائية والري: "معلش يا دكتور محمد ومتزعلش بقى.. كنت قاعدين بتعملوا ايه السنين اللي فاتت مش اللي بيتابع الكلام ده وزارة الري ولا إيه"، في إشارة منه إلى زيادة التعدي على الأراضي الزراعية.

وقال الرئيس عبد الفتاح السيسي، إن ما يحدث في مصر من مشروعات الآن يتعدى الخيال، مردفًا: "اللي بيتعمل في مصر فوق الخيال.. مش هقبل أن حد يتعدى على قدراتنا، عشان نحسن أحوال الناس"، مضيفاً، إن هناك تعديات كبيرة على نهر النيل، وصلت إلى مرحلة غير مسبوقة، وأن ما يحدث لا يليق بدولة بحجم مصر.